蠔站 (黃金廣場) (已結業)

星期日lunch同老公出銅鑼灣食生蠔，呢間餐廳服務態度亦好好。$10一隻愛爾蘭Carlingford生蠔，抵到爛，即刻叫返半打隻黎食。雖然只係$10隻，但質素一啲都唔差，都好新鮮，性價比高。再叫左兩個set lunch，包是日餐湯、沙律。南瓜湯雖然味道唔多似南瓜湯，但係好飲既。沙律配以芝麻醬。煙鴨胸藜麥意大利飯上碟熱辣辣，鴨胸味道唔錯，意大利飯撈埋藜麥多左啲口感，好食。石燒紐西蘭肉眼扒用石燒可以保持溫度，肉眼好多肉汁，仲有菇同翠肉瓜。焦糖燉蛋伴雪糕燉蛋幾滑，配以曲奇雪糕，作為飯後甜品幾好。白桃乳酸梳打甜度適中，而且好大杯。