半島漁港/阿翁火鍋館

最近同屋企人去咗天水圍嘅半島漁港食晚飯🤤 佢哋依家做緊超抵嘅優惠，「至尊燒鵝1/4隻」，只係$1咋，抵到爛🔥

🌟至尊燒鵝1/4隻
重點推介！燒鵝皮脆肉嫩，油脂分布均勻，$1就食到咁高質嘅燒鵝，真係無得輸！

🌟 章魚粉葛赤小豆湯（2-3人用）
呢個湯好足料，仲有雞腳添！飲落好清甜，啱晒一家大細飲，暖笠笠好舒服😛

🌟 潮式煎蠔餅
蠔餅煎得金黃香脆，點埋魚露食，真係停唔到口！

🌟 魚香肉鬆茄子煲
茄子煮得啱啱好，軟腍入味，加埋魚香肉鬆，送飯一流！

🌟炸乳鴿
乳鴿炸得外脆內嫩，肉汁爆棚

臨尾仲送一人一碗紅豆沙，真係勁飽🤣