影片
最近同家人去左天水围T TOWN半岛渔港食晚饭，庆祝喜事，咁当然要贺一贺啦！睇到餐牌烧味$1，有3款选择，分别系：至尊烧鹅、极品bb猪及海南文昌鸡，亦有多款小菜、海鲜、鲍参翅肚等等，咁吸引一定要点啦～至尊烧鹅 $1卖相都几好，仲有火热住保持温度，就算慢慢食都唔会咁快冻，而且份量都唔少，必食首选！ 烧鹅即叫即切，食落啖啖肉，皮脆肉嫩，阵阵浓郁嘅鹅油香味散发出嚟，高质烧鹅好好味。半岛金牌炒饭 $168半岛金牌炒饭以海鲜为主，虾同干贝份量好多，虾肉鲜甜爽口，干贝弹牙，瑶柱炸到脆脆，好香口，炒饭粒粒分明，每一啖食落去都渗出瑶柱鲜香，依个炒饭真系好足料，看似简单但又较矜贵。菠萝脆皮咕噜肉 $128这款式与菜名一样，食落真系好脆，带少少拔丝嘅咕噜肉，甜丝丝嘅味道，好有肉味，质地嫩滑，配合新鲜菠萝、洋葱、彩椒一齐食，感到很幸福！鱼香茄子煲 $98一上枱热辣辣，茄子煲至啱啱好，有咬口，唔会过淋，肉碎质地嫩滑，鱼香味浓郁，唔会太咸，用来拌饭真滋味。最后，送上糖水红豆沙，香甜润喉，满足了！
继续阅读
是日与好友到天水围半岛渔港吃晚餐加庆祝一下生日。见到鱼缸咁多生猛海鲜再望下烧味部即烧就知要点什么菜式。开估：系点了丰料老火靓汤，$1之选为极品BB猪，淮山云耳炒鲜百合，孖宝既清蒸老虎斑仔/豉油皇海生虾，圣子皇：大大只圣子皇，肉质饱满，肉质鲜味。丰料老火靓汤：赤水豆煲鲮鱼粉葛更为香浓。极品BB猪：BB猪皮脆，卜卜脆咬落去，肉质肥瘦适中。淮山云耳炒鲜百合：淮山有著健脾益胃，云耳百合同样是有田园色彩。清蒸老虎斑仔：清蒸可以令鱼鲜味更为突出。火喉控制得好好令到鱼肉保持到鲜嫩。豉油皇海生虾：海虾肉质就是有所不同，实肉爽口弹牙。豉油将虾鲜味带了高一个层次。再加返枝朝日就清凉返晒。食饱饭梗系要点返个蟠桃大寿包：香口蛋黄配起不是太甜莲蓉。包皮松软可口。最后仲有红豆沙送为晚餐画上完美结果。大大粒红豆加上陈皮去煲口感起沙又唔会太甜
继续阅读
朋友仔生日去左天水围半岛渔港食晚饭，去到叫左孖宝清蒸老虎斑仔+豉油皇海生虾，淮山云耳炒鲜百合，极品BB猪，圣子皇，丰料老火靓汤，蟠桃大寿桃包。大量生猛海鲜,见到都觉得新鲜。清蒸老虎斑仔-鱼肉鲜嫩，蒸既时间岩岩好唔会过火喉。再加返枝朝日就真系岩岩好。豉油皇海生虾-味道够入味又唔系好咸，虾肉鲜甜可口。淮山云耳炒鲜百合-蔬菜新鲜清甜，够晒清新。极品BB猪-$1BB猪真系抵食夹大件，皮脆肉嫩又大碟。圣子皇-蒜蓉粉丝底够晒入味，圣子皇又鲜甜可口。丰料老火靓汤-粉葛赤小豆汤唔会太油腻之外仲够晒味，有著老火汤的味道。蟠桃大寿桃包-寿桃包唔会好甜，味道好香，蛋黄流油。仲有红豆沙同桂花糕同样出色，唔算太甜。
继续阅读
收工返嚟已经好攰懒得煮，去T Town揾食，经过半岛渔港门口先醒起之前都食过佢其他分店。原来$1嘅海南文昌鸡、至尊烧鹅王及极品BB猪仍然做紧优惠，咁就俾佢个优惠吸引左入去。酒楼灯光光猛、空间宽敞，晚市见除左食小菜外，亦有做埋火㶽，都几多人食。坐低叫左壸茶，点左几个菜，唔驶十五分钟已经已经上齐晒，上莱速度超快，啱晒我呢啲心急嘅人，唔驶食完一道菜坐喺度等食🤪酒楼其中一个卖点系即烧烧鹅，依家咁抵食，非点不可。 烧鹅以玻璃器皿上枱，要赞嘅系全程以蜡烛保温，烧鹅真系唔错，外皮烧至又薄又香脆，肉质依然嫩滑juicy，好正。家常菜菠萝咕噜肉，酸甜度刚好又啖啖肉，几钟意佢个菠萝放旁边，唔会沾上个汁。平时食茄子肉醉煲最怕就系太咸，我几钟意呢度个茄子煮出黎唔会成pat 野咁，送饭好正。鲍鱼金钱鹅掌煲系必点的，冬菇超大只，厚肉又爽口，鲍鱼肉质软又烟靭，食完个煲感觉食左满满的骨胶原。最后食埋个煮到好绵嘅红豆沙，真系好满足。今晚整体食物好味、份量足，坐得舒服。但今晚做左大嘥鬼，下次都唔可以再眼阔肚窄。
继续阅读
天水围朋友聚会，大家都想打边炉，一定系颂富轻铁站旁一出商场就见到嘅「半岛渔港/阿翁火锅馆」。招牌鸳鸯锅：芫荽皮蛋拼沙嗲汤 （微辣）4款刺身：厚切三文鱼文、北寄贝、甜虾、带子。款款超鲜甜。二人分量，海洋拼盘。个𧐢好大只，新鲜到𧐢瑶柱连住个壳。滚一阵就食得，超鲜甜雪花牛，入口即溶，又香牛味！两个人食啱啱好仲有至尊水饺王：满满虾肉，一啖咬落去爆汁再叫其他火锅配料：好腍羊肉片、脆肉鲩、鲜鹅肠、鳝片。可以任叫任食。但我哋食完主菜，叫咗一次就已经好饱。另外汽水、啤酒、响铃、蔬菜亦系任食。今餐大满足
继续阅读
您可能会有兴趣的...