Ruby Tuesday (已結業)

懶隋咗咁耐, 而家先將d相放上嚟, 其實都唔係點特別慶祝, 但都出去食餐好既, 今次選擇咗Ruby Tuesady, 除咗味道覺得好之外, 仲因為有張主菜買一送一, 所以就試下....當然仲係地點就腳啦今次叫咗個蕃茄湯, 我覺得湯夠濃, 而且有蕃茄味, 都係好味既跟住嚟個小食, 係蟹肉餅, 我食落有d似魚肉, 好鬆同好軟, 一叉就會散開咁, 味道好好, 但蟹味唔多夠, 唔似食緊蟹囉~~再嚟係主菜bbq醬既ribs, 我最鍾意食ribs架, 但佢呢個肉邊老咗, 有d"鞋"咗, 不過另一邊ok既, 我鍾意佢既薯蓉, 好滑又夠牛油味, 好味~仲有mini-burger, 個包既皮煎過, 所以脆脆地幾好, 可惜個漢堡唔夠稔, 加上我食到有d滯, 所以食唔晒, 除咗漢堡肉, 仲有蟹餅肉(即係剛才小食), 另一個就唔記得咗係咩饀, 反而薯條好食, 脆脆地, 遲d食都未稔~另外仲叫咗杯o茶, 但唔識係咪要自己揸檸檬, 所以得紅茶味>< 呢個價錢貴架, 但可以refill囉, 不過, 都飲唔到咁多啦, refill一次都好夠基本上無我想像中咁好味, 反而dan ryan仲好d~~~