星宴中餐廳 (已結業)

因為疫情關係，好耐冇出去食野，今日黎左星宴食下午茶點心放題，其實都預早左一個多月之前訂位。餐牌嘅食物大部份都試過，比較出色嘅有燒賣，肉質札實，口感不錯。灌湯餃，湯頭鮮甜，餡料豐富，帶子大粒，蟹肉又多。皮蛋酥，熱熱地，酥皮好香，入面嘅蓮蓉吾太甜，好好食。合桃酥，微暖，鬆化，好味。珍珠雞，糯米帶點濕潤，餡汁調味適中，吾錯。蝦春卷，細細條，入面充滿蝦粒。义燒包，好多饀但汁吾夠，幸好個包嘅外皮好鬆軟，加返d分。牛肉球，肉質彈牙又啖啖肉。比較一般嘅有龍蝦湯鮮竹卷，鮮竹卷冇乜問題，正正常常，但個汁系西式龍蝦汁，有啲怪。小籠包及鮮蝦餃，都係個皮厚左d。芝麻糊，好浠又冇乜味。瑤柱石斑粥，應該將d白粥加左d魚肉，所以冇乜味。老火湯，只是清湯沒有湯料，所以估計系粉葛湯。南瓜蒸排骨，份量大，但排骨比較淡口。由3:30-5:30，食左兩個鐘，埋單 $500/2位，都ok 嘅，應該可以再嚟。