大瀛喜日本料理 (已結業)

因為好耐無食日式放題，咁岩係openrice見到呢間餐廳，就捉埋朋友去試啦。佢個位離地鐵站只係5分鐘路程真係好方便。咁我地一坐底就叫左一大盤魚生啦，叫左三文魚，都靈魚，甜蝦，吞拿魚啦。平時食既放題既魚生都切到好似紙咁薄，但呢間既魚生好厚切，食到魚生本身既鮮味，真係幾出乎意料之外！叫得魚生咁梗係要試埋d壽司啦！個海膽手卷雖然幾迷你下，但都到食到啖啖海膽味，正😍三文魚壽司，花之戀，鰻魚壽司等係正常好食既，壽司飯有用醋醃過，係好味d既。我地仲叫左牛舌，牛舌好薄，唔會好多筋，而且醃料好香，加埋檸檬汁，食落開胃又野味😋仲叫左羊安，薄切，肉味重，唔騷，值得再叫🤡其他side dish好似燒菠蘿，用新鮮菠蘿燒，好香甜。咁食完正餐梗係要食甜品啦😍甜品選擇好多，有tiramisu，藍莓芝士蛋糕，朱古力mousse布甸，木糠布甸，全部都唔會過甜，而且都幾充料，唔錯唔錯！最正既就係炸榴連啦😍用新鮮榴連蓉去炸，炸得金香，咬落成陣榴連味衝出黎，完全滿足榴連控既味蕾呀！總括而言，呢間比同價放題CP值更高，值得一試！