影片
更多
2009-09-23
39 浏览
呢個食評大約係三個月前, 話說食神嫂牛一, 所以師傅亦約食神嫂食番餐晚飯啦, 得知嗰期食神嫂食左好多唔同款式嘅菜式, 但偏偏中餐就冇咩點食過, 於是師傅就約食神嫂食中餐; 但中餐都有好多選擇, 最後比左三間佢揀, 而食神嫂就揀左呢間食店, 於是師傅就訂定位!準時去到, 攞定位開定茶, 再睇下有咩好野食先! 等左一陣, 食神嫂就到喇, 於是師傅就問下佢有咩想食啦, 最後要左兩份一模一樣嘅一人餐! 先講下個一人餐有咩食先, 有涼伴三絲, 蒜蓉開邊蒸龍蝦伴米線, 紅燒翅, 鐵板黑椒煎鵝肝, 炒飯同埋甜品! 唔係等左好耐就有得食喇, 第一樣登場當然係涼伴三絲(個名唔係好記得係味呢個), 用個冷盤作為第一道菜, 的確係一個唔錯嘅安排, 而涼伴三絲嘅青瓜同紅蘿蔔絲清清夾夾, 雞絲亦不乾不韌, 入口感覺舒服, 不錯; 接著頭盤而黎嘅係蒜蓉開邊蒸龍蝦伴米線, 龍蝦都算幾大隻, 比想像中好, 而肉身非常鮮甜爽口, 一d都唔覺得實, 加上蒜蓉味唔算太重, 所以冇掩蓋到龍蝦本身嘅鮮味, 米線份量驟眼看上去不多, 但吃下去師傅亦覺不少, 而米線亦能煮得煙煙韌韌, 絕冇過腍, 整道菜甚為出色, 師傅亦甚欣賞!
準時去到, 攞定位開定茶, 再睇下有咩好野食先! 等左一陣, 食神嫂就到喇, 於是師傅就問下佢有咩想食啦, 最後要左兩份一模一樣嘅一人餐! 先講下個一人餐有咩食先, 有涼伴三絲, 蒜蓉開邊蒸龍蝦伴米線, 紅燒翅, 鐵板黑椒煎鵝肝, 炒飯同埋甜品!
唔係等左好耐就有得食喇, 第一樣登場當然係涼伴三絲(個名唔係好記得係味呢個), 用個冷盤作為第一道菜, 的確係一個唔錯嘅安排, 而涼伴三絲嘅青瓜同紅蘿蔔絲清清夾夾, 雞絲亦不乾不韌, 入口感覺舒服, 不錯; 接著頭盤而黎嘅係蒜蓉開邊蒸龍蝦伴米線, 龍蝦都算幾大隻, 比想像中好, 而肉身非常鮮甜爽口, 一d都唔覺得實, 加上蒜蓉味唔算太重, 所以冇掩蓋到龍蝦本身嘅鮮味, 米線份量驟眼看上去不多, 但吃下去師傅亦覺不少, 而米線亦能煮得煙煙韌韌, 絕冇過腍, 整道菜甚為出色, 師傅亦甚欣賞!
黎得呢間食店, 翅當然係不能或缺嘅一道菜啦, 所以吃過了龍蝦, 等左一陣就到紅燒翅登場; 作為一個一人餐, 到底會有幾多翅到呢? 答案係都幾多, 至少有二兩翅, 仲要係排翅, 雖然師傅對紅燒就一向麻麻, 始終鍾意清湯多少少, 但呢度個紅燒湯底亦不錯, 唔知過杰, 味道亦唔會太咸, 而翅亦煮得甚佳, 唔會太硬同太爽, 反而入口韌度適中, 好味; 個紅燒翅濕完口之後, 鐵板黑椒煎鵝肝亦同時登場, 其實師傅都覺得有少少奇怪, 因為一間中菜館竟然煮道西菜, 真係得嗎? 於是亦毫不猶豫吃下去, 先講下個汁, 黑椒汁本身煮得甚香, 但不算辣, 用黎點綴下都還可以; 師傅覺得鵝肝嘅水準並不太好, 唔知點解鵝肝面上有d類似炸粉嘅物體? 雖然鵝肝唔算油身, 但入口就冇左鵝肝本身獨有嘅酥香味, 亦唔係入口即溶, 雖然師傅到最尾亦有食晒, 但始終覺得咁樣煮鵝肝有少少浪費, 雞肋雞肋!
品嘗完鵝肝後, 此時師傅亦飽得八八九九, 再黎嘅炒飯同甜品機本上已經食唔落, 但就點都要試少少; 炒飯係炒得幾乾身, 料亦足夠, 味道洽當, 都算唔錯; 至於甜品係木糠蛋糕, 雖知師傅對甜品一向不大喜愛, 但一試後發覺味道一般, 恕師傅唔識欣賞, 唔得!
總括黎講食物質素頗好, 環境異常舒服, 皆因非常寧靜, 而服務態度亦算不錯, 價錢亦算合理, 冇記錯嘅話係三百幾一位, 有龍蝦, 有翅同鵝肝, 淨係睇牌面都收到貨啦! 正所謂人一世物一世, 師傅最想就係黎試下呢度個海虎翅, 估計應該不錯, 所以有機會一定會再黎, 不過師傅未知何年何時何月何日喇, 而笑臉都可以一比! 最後希望食神嫂會對呢個龍蝦魚翅一人餐滿意啦!
张贴
