魚翅城酒家 (已結業)

師傅自從黎過呢度一次之後, 就成日心思思想再黎, 可惜又苦無藉口; 由於師公同師母都從未黎過, 就趁住一年一度嘅師傅誕同埋新世界中心結束在即, 加上呢間食店亦八折贈慶, 師傅先至搵到個機會再黎! 於是一早訂定枱, 三人行準時去到, 侍應位有禮招呼, 坐低後叫埋茶, 師傅當然係第一時間睇下有咩好食啦, 之後大家商量左一陣, 最後決定柯打個四人餐, 雖然明知會食唔晒, 但一於少理! 而四人餐係有八道菜, 分別有堂灼北海道大貝柱拼象拔蚌, 雞湯中鮑翅, 原條海參扣花菇伴伊麵, 大海班兩味, 翠綠炒球同埋炆頭腩, 酥炸沙井蠔, 金獎炸子雞, 仲有咖哩肉蟹跟銀絲卷! 落完單等左一陣, 好快就黎左個大砂煲, 因為第一道菜就係堂灼北海道大貝柱拼象拔蚌, 堂灼固名思義堂食加白灼, 先講下湯底, 湯底有少少蔥同彊片加幾舊豆腐, 湯底似乎冇咩特別; 而主角亦隨後登場, 大貝柱(即係帶子)真係好大粒, 而象拔蚌又切得好薄, 但當放下北海道大貝柱同象拔蚌時, 就即刻覺得個湯底起到作用, 皆因湯底夠清, 加上少少彊蔥用意去左腥味, 從而帶出帶子同象拔蚌嘅鮮味,帶子真的大大粒, 而入口非常爽口鮮甜, 肉質同口感

14 March 2010 Sunday白色情人節，20 C，晴1) Arrival & setting: 路過見到魚翅城因新世界中心即將關閉而結業，因此全單八折，套餐還免茶芥加一。我們可能逛累了，又累又餓，便入去試試晚餐，順便度過所謂的日本“白色情人節”。 魚翅城環境舒適，可以好好坐下。我們選了$422 x 2的dinner，饞嘴的honey另加了$20炸銀絲卷，無非為了沾錬奶食。真為食呀! 侍應服務殷勤，完全沒有“即將結業”的挫敗感，甚至頗gentleman的逐一慢慢上菜，慢食猶如法國餐啊。我們的為食大餐如下:2)Dishes:1.兩小碟:蜜汁叉燒: 不小碟啊! 可能又累又餓，覺得唔錯，尤其是蜜汁甜甜，及自動自覺來了半肥瘦叉燒。拍黃瓜: 清爽，ok。2.雞鮑翅h… 醒哂! 雞湯好像住家菜，很濃好甜很暖心，我食了一小排翅便只管喝雞湯，喝呀喝…一排排的魚翅便擱淺了! Honey忍不住也問我“不食翅嗎”?! 魚翅的份量是相片中湯匙的4-5倍! 好正呀! 3.黑椒窩荀鵝肝粒:窩荀很爽與鵝肝粒幾夾，但沒有黑椒味，反而啱哂怕辣的我!4.龍蝦伴米線:海鮮! 龍蝦大大隻好多肉，很有蒜香。米線很滑偏

幾時會有幸福的感覺？與愛人一起享受著美味的的食物時…你會有嗎？（睇下食咩先？！）今日為方便撘車入赤柱，相約中午在尖東等。巧遇魚翅城 【88全免餐】。見88蚊竟可食魚翅，便不作他選，入內品嚐。這個餐包了：雞湯木瓜鮑翅（每位一兩）：雞湯加上木瓜味道配撘得很好，鮮甜美味，鮑翅真的是一排排的。今日第一餐便用翅漱口，感覺很好啊！雖然只是用一普通湯碗仔盛著，但以這個價錢和質素已是很不錯！燒賣和叉燒飽（各一只）：味道不錯，但沒有什麼特別鮑汁菜心：ok，但感覺不到是鮑汁，太淡了乾燒伊麵：味道適中，伊麵也好吃這個套餐最少要2人惠顧。份量雖不多，尤其男士可能要再加點心才夠。但每人88 蚊已包括了加一和茶錢。相當超值！這裡環境亦很舒適，有卡位適合情侶進餐。與你一起，就算今日吃的是碗仔翅，幸福的感覺都不會變…若然那碗仔翅是同樣美味的話…但因為你，令我有動力工作去與你吃更多正魚翅，不過今餐…多謝你先！

呢個食評大約係三個月前, 話說食神嫂牛一, 所以師傅亦約食神嫂食番餐晚飯啦, 得知嗰期食神嫂食左好多唔同款式嘅菜式, 但偏偏中餐就冇咩點食過, 於是師傅就約食神嫂食中餐; 但中餐都有好多選擇, 最後比左三間佢揀, 而食神嫂就揀左呢間食店, 於是師傅就訂定位!準時去到, 攞定位開定茶, 再睇下有咩好野食先! 等左一陣, 食神嫂就到喇, 於是師傅就問下佢有咩想食啦, 最後要左兩份一模一樣嘅一人餐! 先講下個一人餐有咩食先, 有涼伴三絲, 蒜蓉開邊蒸龍蝦伴米線, 紅燒翅, 鐵板黑椒煎鵝肝, 炒飯同埋甜品! 唔係等左好耐就有得食喇, 第一樣登場當然係涼伴三絲(個名唔係好記得係味呢個), 用個冷盤作為第一道菜, 的確係一個唔錯嘅安排, 而涼伴三絲嘅青瓜同紅蘿蔔絲清清夾夾, 雞絲亦不乾不韌, 入口感覺舒服, 不錯; 接著頭盤而黎嘅係蒜蓉開邊蒸龍蝦伴米線, 龍蝦都算幾大隻, 比想像中好, 而肉身非常鮮甜爽口, 一d都唔覺得實, 加上蒜蓉味唔算太重, 所以冇掩蓋到龍蝦本身嘅鮮味, 米線份量驟眼看上去不多, 但吃下去師傅亦覺不少, 而米線亦能煮得煙煙韌韌, 絕冇過腍, 整道菜甚為出色, 師傅亦甚欣賞!

2009年6月好耐無到魚翅城飲茶, 是日就一於再去飲餐茶啦 !! 叉燒飽一睇已知不對辦, 餡料爆漏而且過濕, 汁過多~不合格 ! 蝦餃餃皮過淋, 易爛~亦不合格! 最差就是蒸籮蔔糕, 太淋太"削",明顯落左過多水, 籮蔔絲亦寥寥無幾,如用以會考比喻, 這項應是 U 級 ~~ 只有蛋散可取 !!! 但絕不只為蛋散而來 !!

19/1/09難得出去飲茶,當然搵間好既.聽聞下午茶抵食又坐得舒服...一於試.好彩早去到.原來都有好多人等位飲下午茶.點心款式唔算太多(十幾款)但大,中,小點都有半價.叫2個雞湯煲仔翅:$72@.仲諗住會好似出邊個D碗仔翅.原來真係翅,細細塊都有6,7塊咁多,仲好香雞湯味.D waiter仲即場係你面前煲熱.勁!菠蘿叉燒包:幾特別既配搭.個味道又ok喎.唔會搶對方既味道.雞湯小籠包:皮薄,又多湯.正,感覺D餡都幾新鮮唔會有仲梅既feel.鮑汁鳳爪:好鮮甜既汁,D鳳爪又夠淋.粟米脆蝦筒:應該係即叫即炸.因為個心係好熱辣辣(差D燙傷個咀仔)仲有基本既蝦餃.燒賣,牛肉:不得不提,個蝦餃皮真係好薄,近乎透明.甜品:齊齊撈起(糖不甩)幾有意思既名字.所以都叫一客. 旦散:真係幾好味,加D糖漿perfect!其實我都唔知佢係乜. 只係見到隔壁都有一碟,個樣又好似幾得意,所以......

今日情人節，我哋揀咗嚟魚翅城食dinner，一早book咗位架喇！出奇哋！今年我唔係好想食西餐，好想食中餐，又估唔到食中餐都咁多人！招牌大鮑翅有一大梳翅，幾好味！ 普通魚翅啲湯味濃啲，但只有碎翅。有碟小食，我都唔記得咩名堂，只記得係XO醬魚唇，味道一般喇！蝦子鮮菌麒麟斑嘩！賣相係咪好靚呢？條魚細細，所以肉質嫩滑，再伴埋鮮草菇、鮮腐竹& 小棠菜，超好味！鮮蟹肉配脆炸豆腐豆腐好滑，再配蟹肉獻汁，一流！喱度服務都唔錯！啲翅係侍應即場用煲仔煲熱，保証新鮮滾熱辣！

07-10-07 (日) 7:30pm 3人賺到股票緊要識嘆下,約左呀媽家姐黎食,分甘同味嘛,一齊分享那成果,經常聽人講話糖心鮑,究竟係點架呢?南非鮑就間唔中都有食,吉品就未試過,原來真係好似黃糖咁ge味道,好好味啊!坐卡位,幾舒服,裝修都唔錯的,服務一般,唔算多人,所以唔嘈,我覺得散叫抵過叫餐,因為e+佢d鮑魚同埋翅都做緊特價85折!唔記得影相>.<招牌大鮑翅(三兩) 2客@$193 <=紅燒翅,個獻好有上湯味,一片大鮑翅,正!雞湯大鮑翅(三兩) 1客@$186 <=麻麻地,冇乜雞湯味28頭吉品鮑魚三隻@$279 <=有一隻分羹咁大,好正,媽媽都讚好,食完隻鮑魚將d鮑汁留黎撈飯鮮果大蝦沙律$150 <=一般,唔值生抽皇中蝦(攞獎菜) $120 <=都係好一般豉汁涼瓜牛枊 ,叫佢炒淋dd涼瓜,不過都唔夠淋$80 <=一般白飯2個@10餐前小食(腰果) $12茶芥每位$10送甜品生果間唔中食一次都ok,因又唔算特別好食,但鮑魚真係幾好味,買左兩碗外賣招牌翅比呀哥同工人,大家一起分享下嘛!都會再黎的,不過可能試其他分店^^唔計

煲仔翅$68魚翅城當然要食魚翅啦! 見佢$68以為得好少翅, 原來又唔係wo!有2-3"梳"呀!仲幾大"梳"tim!! 呢煲仔翅係即場係你面前煲, 煲得好, 夠熱, d 翅又唔會溶晒唔見翅!湯底都唔錯, 幾清幾甜,無味精味!正!!蛋散聽聞係呢度馳名菜!一碟有四大件蛋散, 色澤比較遍淺黃, 好鬆化, 加埋d糖漿真係好好味! 我以前好怕食蛋散, 依家都因為試過呢度而知道蛋散吸引之處, 原來真係可以好好味ga!東山羊(冷盤)愛吃羊我,第一次食羊凍盤. 係一件件羊肉連皮, 一d都唔羶, 而且肉質好滑, 羊皮爽口, 感覺新鮮!good!其實仲有魚翅撈飯餐, 一碟魚翅撈飯, 加一款自選點心, 仲跟花膠,燕窩蛋撻同甜品,每位$145(2位起), 見隔里食到"lam lam "呀!我見碟頭都唔細ga,相信都會好好味!下次要試下先得啦! 呢度其他點心都好精緻美味呀!我係午市食, 雖然d點心唔算平, 但都好有質素!而且環境服務都好好!今次每人連埋翅都係食一百蚊左右, 都ok 呀...比想像中平啊!

服務同裝修都係尖沙咀質素，侍應有禮貌，對答得體，唯一美中不足係不停咁介紹菜式，有Ｄ催客落單感覺，招牌大包翅（足三兩）$190 比想像中更好更抵食，個茨汁味道香濃得黎恰到好處，翅身夠大、夠多、夠完整，同餐牌張相一樣，全程可以用筷子享用，食完個翅都飽左三成，第二度菜紅燒大花膠$260，舊花膠有半個煙包咁大，伴一隻花菇同兩條小棠菜，份量少得可憐，不過食得呢Ｄ野都係重質不重量，咁厚身既花膠已經算值回票價，炆得好腍同個鮑汁都好好味，再上所謂得獎名菜燒雞半隻，今次有Ｄ失望，隻雞細得黎唔多夠數咁喎？你收得我$110 半隻雞唔駛咁低莊下話？我覺得雞胸同雞肶位唔多夠數，相信酒樓應該反省下？外皮脆味道偏鹹，可以不理，最後上湯蒜子浸芥膽，相信都冇乜難度亦冇乜特別，甜品點左魚翅城蛋散，蛋散相信係中年人既專有回憶，時至今日，「馬仔」仲有人識，而類似馬仔既蛋散仲以為失傳左，外型似煲呔，睇落似蝦片，上面沾一Ｄ糖漿，咬落非常鬆化，亦誠如其他食評家所言，冇乜蛋香，不過回憶上已經好滿足。我見有個二人經濟套餐好似幾抵食，有兩客魚翅撈飯，一個炒蝦球，半隻燒雞，一個海鮮炒飯加埋個蛋散甜品都係五舊水，下次有機會都要再黎試下。

十四個人黎飲茶...點心款款都好好味...埋單差唔多千五....超貴....一碟油菜要$48...半斤都冇...過份左D....順便補祝&預祝兩個壽星女...叫左五籠壽包一個大籠上....壽包個皮好好味...服務好好...而且環境舒適...冇D唔識死既細路跑黎跑去....又難得咁大班人可以舒舒服服咁飲餐茶...貴少少都算啦....

貪平, 星期一至五兩點開始就有大中小點一律半價!所以就去左食tea,叫左蝦餃- 大隻, 好多大大既蝦, 有鮮味蛋散- 至正係佢!枱枱都有叫咁滯, 糖漿冇溝水, 蛋散超鬆化x1000杏汁丸子- 原來係雷沙湯圓, 餡係杏汁, 食到唔停口小籠包- 哩個只係一般, 個皮厚左d魚湯米線- 有幾粒細細既鯪魚球, mami話有d腥魚翅灌湯餃- 有兩排細細既魚翅, 冇欺場, 湯都好鮮甜蘿蔔絲酥餅- 的的式式, 裡面好juicy素菜包- 包好鬆化, 餡又多砵仔蘿蔔糕- 份量幾多下, 料都算比足服務好好, 好體貼雖然都係公式既中上級服務, 但有好過冇啦

原本想去恆香棧，但要等位又好似麻麻，咁就豪一豪啦，無幾何成疏翅咁食，又鋸鮑魚，個set$498/head，有翅有鮑魚，唔記得幾多頭了，包個小菜添。久唔久黎當獎勵下自己都好，咁又再努力d搵錢啦！

大班親朋gathering，揀o左呢度。因為唔係小妹發板，所以完全唔知食o左幾多錢。不過唔少得o既當然有魚翅，依舊一人一大梳；可惜煮法係紅燒，冇雞湯咁清香。乳豬，炸子雞，東昇班呢D賀年例牌菜整得不過不失；反而碟XO醬海參整得好入味，海參都好靚，唔錯。我地人多，要o左裡面間V.I.P.房，有兩個plasma電視，座位都好闊落，幾舒服。Service都唔錯，D侍應都會特別留意上菜時會唔會碰到小朋友，老人家咁。