Day and Nite by Master Kama (已結業)

Day and Nite by Master Kama嘅龍蝦包同龍蝦大餐出晒名，鍾意食龍蝦嘅A姐都食過好幾次。雖然我都好鍾意食龍蝦，但海鮮類嚟講，我的最愛始終係蟹！蟹！蟹！今次就嚟到旺角Day and Nite by Master Kama試呢個 The Holy Crab Two嘅雪場蟹宴啦。六小缽一開始嚟嗰特色小前菜，有蟹肉玉子燒、蟹子日式凍豆腐、虎蝦配芒果慕絲、柚子醋海藻沙律、酸辣羅勒海蜆同海鹽枝豆。樣樣菜式都好開胃，我就最鍾意蟹肉玉子燒，蟹肉鮮甜同玉子夠晒match；而蟹子日式凍豆腐配上芝麻醬解簡直係完勝！反而虎蝦嘅調味唔夠，有少少失望。芝士蟹肉釀蟹蓋蟹蓋同芝士一直都係好朋友嚟，佢兩個喺埋一齊真係好夾呀！而且芝士既拉絲度十足又唔會搶左蟹味，唔錯！伴碟仲有脆卜卜三文魚籽，好有口感！不過，今日嘅火箭菜就略嫌較苦喇。王樣 • 鱈場蟹海鮮紙火鍋用昆布做湯底，夠晒清又可以突顯海鮮嘅鮮味，抵讚。但要留意小心筷子督穿張紙呀。呢個海鮮拼盤份量夠晒多：有半隻鱈場蟹、蜆、蝦等等，蟹夠晒多肉鮮甜；蜆入面無沙，蜆肉豐滿；蝦就爽口彈牙。個有一大盤蔬菜同日式丸、魚糕等等，最正係啲蔬菜索晒個海鮮湯，夠晒鮮甜