影片
更多
2019-09-01
68 浏览
香港人出名喜愛吃海鮮，尤其是矜貴的「龍蝦」更是不少人的心頭好。最近朋友 T 推介我到九龍灣啟德郵輪碼頭的「My Harbour 海薈」試下佢哋嘅晚市套餐，原來餐廳近日推出左多款【波士頓龍蝦盛宴】，由餐湯、頭盤到主菜全部都食到啖啖波士頓龍蝦，啱曬我這等海鮮粉絲。這個提議真的不錯，講真其實自從郵輪碼頭啟用以來，還沒有到訪過，趁這個週末有空，一於兩口子過去行下。初頭還以為餐廳地點很隔涉，但原來交通亦挺方便，喺德福花園小巴總站坐 86 號小巴於郵輪碼頭總站下車，乘電梯便可以直達。餐廳位於碼頭頂層花園，地理位置非常優越，坐擁 360 度環迴維港靚景。至於室內裝潢亦型格獨特，以英倫車站作設計，配上閃爍的舞台、拱形天花、黑白格仔地磚、復古鎢絲燈泡等，環境優美浪漫，很適合用作婚宴場地。入座後，先細看新登場的嘅晚市套餐餐牌，頭盤為波士頓龍蝦田園沙律，而餐湯就係傳統法式龍蝦湯。至於主菜方面，就有 6 款可供選擇，每款都會配有波士頓龍蝦半隻，定價由 $288-$468 不等，視乎所選嘅主菜而定，套餐包即磨咖啡/英式紅茶及是日甜品。我揀左香煎深海比目魚柳配波士頓龍蝦，而老公就點了焗紐西蘭羊架配香煎波士頓龍蝦。
這個提議真的不錯，講真其實自從郵輪碼頭啟用以來，還沒有到訪過，趁這個週末有空，一於兩口子過去行下。初頭還以為餐廳地點很隔涉，但原來交通亦挺方便，喺德福花園小巴總站坐 86 號小巴於郵輪碼頭總站下車，乘電梯便可以直達。
餐廳位於碼頭頂層花園，地理位置非常優越，坐擁 360 度環迴維港靚景。至於室內裝潢亦型格獨特，以英倫車站作設計，配上閃爍的舞台、拱形天花、黑白格仔地磚、復古鎢絲燈泡等，環境優美浪漫，很適合用作婚宴場地。
入座後，先細看新登場的嘅晚市套餐餐牌，頭盤為波士頓龍蝦田園沙律，而餐湯就係傳統法式龍蝦湯。至於主菜方面，就有 6 款可供選擇，每款都會配有波士頓龍蝦半隻，定價由 $288-$468 不等，視乎所選嘅主菜而定，套餐包即磨咖啡/英式紅茶及是日甜品。
我揀左香煎深海比目魚柳配波士頓龍蝦，而老公就點了焗紐西蘭羊架配香煎波士頓龍蝦。頭盤波士頓龍蝦田園沙律率先送上，沙律菜非常新鮮，入口爽脆鮮甜。面頭的龍蝦肉食落有鮮味，肉質爽彈，配埋酸酸甜甜的沙律菜吃，夠曬醒胃。
接著是每人一客餐湯：傳統法式龍蝦湯。成品端上桌時仍熱辣辣，湯身濃稠幼滑，龍蝦的鮮味完全融入湯中，而且質感唔會太 Creamy，入口香氣馥郁，鮮而不滯，味道富層次感，配香脆的牛油多士吃，啖啖滋味。
主菜方面先嘗香煎深海比目魚柳、波士頓龍蝦配黑魚子香檳忌廉汁、時令蔬菜 ($368)，成品賣相很吸引，除了有半隻波士頓龍蝦外，還配有大大件比目魚柳，再以薯蓉墊底，份量十足。魚柳煎得剛好，不會過熟，魚皮金黃香脆，魚肉仍然保持嫩滑，鮮味十足，吃時可沾少許黑魚子香檳忌廉汁，滋味滿溢！ 龍蝦足足有女生手掌般長，有肥美的蝦膏，蝦身結實爽脆，入口啖啖肉，鮮香味美。
至於另一客焗紐西蘭羊架配香煎波士頓龍蝦，黃芥末汁、薯蓉及蔬菜 ($438) 用料亦非常豐盛。成品除了有半隻肉質彈牙又多膏的波士頓龍蝦外，還伴有兩大件紐西蘭羊架。羊架揀左五成熟，出到嚟嘅效果非常之好，脂肪少又沒有羊騷味，切開肉質仍粉嫩，帶豐富肉汁，黃芥末汁又可以襯托出羊肉的鮮甜。墊底的薯蓉亦很有水準，綿密滑溜，令人一口接一口。
是日甜品有朱古力泡芙、抹茶卷蛋、哈密瓜，泡芙一口大小，配上面頭的朱古力醬，吃起來絲柔滑順，輕盈又不甜膩。抹茶卷蛋外形小巧的骰，質感軟熟，配上中間滑嘟嘟的忌廉，入口香甜味美。餐飲可以揀即磨咖啡或英式紅茶，食完晚餐仲可以外出睇下夜景，環境舒服寫意，會推介朋友過嚟試下。
张贴
