影片
更多
2018-08-14
200 浏览
自從朋友黎過呢間餐廳後，就一直話對呢度嘅龍蝦念念不忘，我話有冇咁好味呀？結果今日佢就捉咗我黎試了。餐廳位於山東街，由旺角地鐵站行過黎都係5分鐘左右，非常方便。雖然我地未夠七點黎到，但餐廳都已經差唔多坐滿了。既然餐廳主打龍蝦，佈置上當然有唔少龍蝦擺設，仲可以拎黎影相添。其實都唔需要點睇餐牌，朋友已經揀咗呢個龍蝦匯，有龍蝦包、烤蒜蓉牛油龍蝦及龍蝦雜錦海鮮石鍋湯烏冬/飯，非常豐富。先上場嘅係龍蝦包及烤蒜蓉牛油龍蝦，龍蝦包份量相當大，餐廳已經幫我地切開兩份，方便兩個人share食，包入面夾住好多龍蝦及醬，龍蝦肉味道鮮甜，配埋蛋黃醬食，味道一流。烤蒜蓉牛油龍蝦 : 雖然只係半隻，但非常大隻及厚肉，龍蝦加上蒜蓉烤過後香噴噴，肉質仍然保持鮮嫩，味道唔會太咸，而鉗嘅部份亦已經開咗殼，食起上黎啖啖肉非常過癮。伴碟有雙色薯條，即係普通薯條及蕃薯條，薯條係厚切好好味，而蕃薯條夠香脆，甜甜地幾開胃。龍蝦雜錦海鮮石鍋湯烏冬 :龍蝦雜錦海鮮湯可以選擇飯或烏冬，我地就揀咗烏冬，上檯時用石鍋裝住熱辣辣，龍蝦湯味道香濃，海鮮亦夠多，有青口、蜆、蟹柳等等，烏冬吸收晒龍蝦湯嘅精華後，充滿海鮮甜味，食完烏冬後，飲埋龍蝦湯，感
餐廳位於山東街，由旺角地鐵站行過黎都係5分鐘左右，非常方便。雖然我地未夠七點黎到，但餐廳都已經差唔多坐滿了。
既然餐廳主打龍蝦，佈置上當然有唔少龍蝦擺設，仲可以拎黎影相添。
其實都唔需要點睇餐牌，朋友已經揀咗呢個龍蝦匯，有龍蝦包、烤蒜蓉牛油龍蝦及龍蝦雜錦海鮮石鍋湯烏冬/飯，非常豐富。
先上場嘅係龍蝦包及烤蒜蓉牛油龍蝦，龍蝦包份量相當大，餐廳已經幫我地切開兩份，方便兩個人share食，包入面夾住好多龍蝦及醬，龍蝦肉味道鮮甜，配埋蛋黃醬食，味道一流。烤蒜蓉牛油龍蝦 :
雖然只係半隻，但非常大隻及厚肉，龍蝦加上蒜蓉烤過後香噴噴，肉質仍然保持鮮嫩，味道唔會太咸，而鉗嘅部份亦已經開咗殼，食起上黎啖啖肉非常過癮。
伴碟有雙色薯條，即係普通薯條及蕃薯條，薯條係厚切好好味，而蕃薯條夠香脆，甜甜地幾開胃。
龍蝦雜錦海鮮石鍋湯烏冬 :龍蝦雜錦海鮮湯可以選擇飯或烏冬，我地就揀咗烏冬，上檯時用石鍋裝住熱辣辣，龍蝦湯味道香濃，海鮮亦夠多，有青口、蜆、蟹柳等等，烏冬吸收晒龍蝦湯嘅精華後，充滿海鮮甜味，食完烏冬後，飲埋龍蝦湯，感覺份外滿足。
埋單每人二百五十蚊，可以食到咁豐富嘅龍蝦餐，真係物有所值，唔怪得朋友成日話要黎啦！
张贴
