樂天經典 (已結業)

今日與朋友喺尖沙咀行街後，到醫肚時間了，又唔想吃中菜，見到間樂天經典，本人曾經喺奧海城幫襯過，就聯想到蟹之誘惑，回味無窮，二話不說便入去了。這間餐館環境及裝修相當雅緻，地方整齊寬敞。 香茶配個栗子花生嘅小食，呢個小食非常淋甜好吃。龍虎燴原煲砂鍋上熱騰騰好澎湃，吃之前已流口水，內有青蟹，蝦，鱸魚片，鮮魷，花蛤，花菇香芹等，還有米線墊底， 先試啖湯，嗰湯好鮮甜及淆得夠濃郁，整隻蟹真的好巨大，蟹肉鮮甜肥厚，蝦肉爽口，米線及其它配菜被濃湯浸透著，食落更滋味冇窮。這個鍋滿足晒鍾愛食海鮮人士。招牌扣肉飽五花腩肥瘦均勻，配合袐製嘅醬汁，個飽仲喺籠仔蒸，非常軟滑，夾住塊腩肉齊吃，肉汁浸晒出來，但又唔油膩膩，估唔到好吃到不得了。蒜香海浙頭海浙頭比一般切絲嘅做法更爽脆，加入青瓜件，浸入鎮江醋，酸酸甜甜帶少許微辣，令胃口大增，喺一道唔錯嘅小食。金銀蛋時波菜係一般餐廳嘅菜式 ，勝在味道還可以。