富記大排檔

营业中

休息中

母親節難得咁多人聚首一堂，決定揀間一直都好喜愛又係區內既富記大排檔食餐好既開心吓平時食開都係簡單碟頭或者一兩個小菜客飯，好少會有咁多人食當然要咩都叫吓嚟試啦最近條街都幾多人病又喉嚨痛，我哋雖然冇事但今日都避開咗冇叫到任何炸野哈哈主菜叫咗一條蒸斑、一隻雞、一盤大蝦魚同海鮮都好新鮮，條魚好好肉地蒸到啱啱好又嫰又多肉，值得推薦！另外叫咗幾款小菜、煲仔菜同啲炒粉麵飯上湯菜好鮮甜、胡椒豬肚湯好暖胃、水蛋入面啲瑤柱處理得幾好唔會太硬太大舊但又唔係散修修但豉油有啲過咸可以提出少啲、乾燒伊麵炸得乾身個掛汁唔錯仲有好多款小菜冇影晒，整體所有野都好足鑊氣好啱食呀