影片
电话号码
26963497
营业时间
今日营业
06:45 - 23:00
星期一至日
06:45 - 23:00
公众假期
06:45 - 23:00
公众假期前夕
06:45 - 23:00
以上资料只供参考，请与餐厅确认详情
相关文章
好耐无食过大排档，趁长假期出街食下饭😁见佢啲价钱平平地，谂住唔会好大份，点知错哂，全部大大碟😂🌟咸菜胡椒猪肚汤: 好足料，猪肚咸菜都好多，胡椒味浓，呢兜汤有10碗😅🌟椒丝腐乳炒通菜:够镬气，味道刚好唔太咸🌟姜葱鱼云煲：姜葱爆到出哂味，好香口，外脆鱼肉滑🌟金不换炒蚬：无豉椒炒咁香，但系蚬无沙，都好味🌟椒盐鱿鱼🦑：劲钟意，炸粉唔厚，就算冻左都仍然好食所有𩠌菜都热辣辣，又唔太油，全单都只系$500，无投诉👍🏻
继续阅读
值得支持的小店隆亨邨富记大牌档 💛抵食又有良心嘅屋村大排档🤤只种运鸡相当出色，配埋个酱（应该系南乳酱？我都唔系好知，只知好好食）😆😆😆#大围 #小菜 #大排档 #东菇亭#富记大排档 #隆亨邨富记大排档
继续阅读
阿仔请食饭，话食放题，我话食富记仲啦先叫荳苗，少油，炒得够光泽蒸瓜子斑，一世发呢个价钱真系又抵又好意头，蒸得靓，时间刚刚好又够滑满$200就有好多款$38嘅小菜，食个炒蚬就最正一路发嘅手撕鸡，真系冇得输，有得玩有得食，首先戴对手套，然后任你将只热到烫手嘅鸡慢慢撕开，满足感极大！脆嘅鸡皮，加嫩滑嘅肉，点南乳酱，真系人间美味！可惜嘅系，佢哋特制超好味嘅鱼皮已经冇做，大家帮下口，去到鼓励下佢哋，多啲人讲，佢哋就会有心机做返㗎啦！
继续阅读
有台湾朋友到访香港，佢就喜欢啲另类景点，所以，特别安排佢朝早行一转短山，远跳狮子山及望夫石，晏昼再到访「美荷楼生活馆」。而行完山落到嚟「隆亨邨」就顺道探索下屋邨嘅「冬菇亭餐厅」，对佢哋嚟讲算喺新事物，求求其其拣咗「富记」用餐。香港嘅「冬菇亭」依家卖少见少，新型屋村都唔会有，多数都起埋商场。入到「富记」不，喺一般茶餐厅嘅格局，不过，最特别嘅喺有啲木栏栅嘅卡位，又加咗啲粗粗幼幼嘅木条装饰，几田园㖞，因为餐厅缩咗喺屋邨里面，嚟帮衬嘅都喺街坊客多。啱啱够两点，可以平平地食下午茶餐，茶记嘅茶餐选择都唔少，食得唔多嘅可以拣啲小食餐、三文治餐，好似我哋咁当正餐，就拣返啲碟头嘢。餐具、基本调味料放晒晌枱面自由取用，不过，有一样嘢对台湾朋友感到好新鲜就喺嚟到嘅热水 唔喺用嚟饮，而喺用嚟洗餐具，佢哋话无咁嘅习惯。台湾朋友对香港茶记嘅菜式唔喺好认识，问我星洲炒米同夏门炒米喺咩嚟，虽然大致形容过喺乜， 不如索性点嚟大家试试。另外，再加多个干炒猪扒公仔面，炒公仔面呢家嘢喺香港茶记发明，点都要俾佢哋试下。唔喺讲笑，虽然喺下午茶餐，啲碟头份量仲多过平常正餐咁，够晒大堆头。厦门炒米 + 冻柠茶 $46由于唔方便影太多，所以，我就简单写我前面嘅厦门炒米。除咗份量多、虾仁多、叉烧多之外，其实味道只喺一般般，𠮶阵阵酸香味唔够重，炒起嚟比较干身，如果以填饱肚为目标，绝对合格，以味道而言，只可以讲中规中矩，反而杯冻柠茶就几好饮，茶底够香浓，柠檬无苦涩味，绝对有港式柠茶嘅风味，而台湾朋友亦都好钟意港式嘅冻柠茶。认识呢位台湾朋友都超过30年，我哋都甚少谈政治，不过，连佢算喺深绿嘅人都猛咁批评民进党，过去嘅8年几执政搞烂晒成个台湾，我就无作出太多回应，只喺讲下自己晌香港生活舒服自在就算，闲时行山、踢波，不时又外游吓咁啦！
继续阅读
屋企人生日，提前2日打去富记问有冇乳猪，本身以为大排档唔会有，但点知佢哋话可以帮手代订，仲可以斩埋件，完全唔洗麻烦自己！之后再叫埋其他小菜，基本上所有都系水准之上，连炸虾饼外卖番到屋企都好好食！虽然啲小菜唔系话好平，但份量同材料对得住个价钱！个八珍豆腐煲啲料好足，大件夹抵食，屋企2老食完都赞不绝口！仲有其他炒饭炒面都唔错，屋村大排档真系要多多支持 ！！！
继续阅读