影片
更多
2017-08-09
76 浏览
放假心情特別靚，出左旺角行街，跟住就梗係要搵個地方食飯啦。路過呢間餐廳，個名叫日與夜，餐廳樓下有個電視仔播住吳業坤食得好滋味嘅樣，就係喱下...我決定幫襯佢。餐廳樓下有個女仔接待員，佢話齊人先入得，同埋用餐90分鐘限時。我哋人齊嫁，限時就唔多鍾意，不過真係想食，限就限啦。等咗5-8分鐘，接待員話：位置已安排，請搭𨋢上一樓。出𨋢向餐廳望，見到牆身掛上黑板餐牌，地板用咗格仔𥖁砌文字。望咗兩望，等咗一陣，終於有位侍應嚟帶位，餐廳裝修似cafe shop，光線充足有輕鬆感，枱櫈可以任意搬動及調配，貼牆位置是一排梳化。侍應拎咗幾本餐牌過嚟，又話熱茶可改冰茶，睇兩睇之後，我哋就叫咗個海鮮套餐，同埋幾杯飲品些牙。個餐有六小砵，即話六碟小吃我就最鍾意個豆腐，有豆香好好味，個小蜆都不錯嫁，有D醬汁係蜆入面，似泰式汁，好惹味。跟住就到蟹肉烤包，即話多士鋪滿蟹肉足料蟹肉，但個麵包是否烘完後，放了一段時間，因為個包有D韌D嘢都未食晒，又嚟上菜，睇嚟我哋要加快把口。喱個係蟹肉釀蟹蓋，好多蟹肉側邊仲有三文魚子，好味道嘅程度係返到屋企都掛住佢。最特別係蟹肉頂部有塊魚仔合成嘅薄片，脆脆的好特別好好味。重點食物上枱，就
餐廳樓下有個女仔接待員，佢話齊人先入得，同埋用餐90分鐘限時。我哋人齊嫁，限時就唔多鍾意，不過真係想食，限就限啦。等咗5-8分鐘，接待員話：位置已安排，請搭𨋢上一樓。
出𨋢向餐廳望，見到牆身掛上黑板餐牌，地板用咗格仔𥖁砌文字。望咗兩望，等咗一陣，終於有位侍應嚟帶位，餐廳裝修似cafe shop，光線充足有輕鬆感，枱櫈可以任意搬動及調配，貼牆位置是一排梳化。
侍應拎咗幾本餐牌過嚟，又話熱茶可改冰茶，睇兩睇之後，我哋就叫咗個海鮮套餐，同埋幾杯飲品些牙。
個餐有六小砵，即話六碟小吃
我就最鍾意個豆腐，有豆香好好味，個小蜆都不錯嫁，有D醬汁係蜆入面，似泰式汁，好惹味。
跟住就到蟹肉烤包，即話多士鋪滿蟹肉
足料蟹肉，但個麵包是否烘完後，放了一段時間，因為個包有D韌
D嘢都未食晒，又嚟上菜，睇嚟我哋要加快把口。喱個係蟹肉釀蟹蓋，好多蟹肉側邊仲有三文魚子，好味道嘅程度係返到屋企都掛住佢。最特別係蟹肉頂部有塊魚仔合成嘅薄片，脆脆的好特別好好味。
重點食物上枱，就係"海鮮膏蟹拼盤"，有麵包蟹，帶子，蜆，蝦，青口等。至於龍蝦及藍青口就係我哋另外加錢才有。食到咁上下，就會發現海鮮下底有蔬菜，粟米紅蘿蔔小椰菜之類。頭頭以為個海鮮拼盤熱辣辣，原來係室溫，海鮮上面淋咗香草汁，個汁就熱辣辣喇。
原來個餐配送一份甜品，左邊係咖啡草餅，都幾得意，右邊就係軟雪糕，味道不錯。
食到最後，抬頭一望，發現個天花有日與夜嘅燈箱，設計師又幾有心思喎
最後仲想講一句，D朋友都叫咗彩色飲品，賣相吸引，色彩繽紛，佢哋話味道不錯，至放我呢，揀返可樂
张贴
