Chop Chop 食神叉燒 (宏安道) (已結業)

週五晚喺鰂魚涌辦完事，就同屋企人去咗炮台山拜會近期超人氣嘅「食神叉燒」。七點半鐘左右，燒臘舖約五、六成滿座，收銀處亦有幾位等外賣嘅客人。店內用上鐵枱配七大武器之一嘅摺櫈，當真令人回味「食神」不少經典片段。用餐大堂光線充足，樓底夠高，人多都唔算太嘈吵。據悉，店子每日最旺場就係四段叉燒新鮮出爐嘅鐘數，亦即早上十一點半、下午一點半、四點半、及傍晚六點半。一行七人到步啱啱好避開咗繁忙時間。餐桌上除咗有自助餐具及調味料之外，最突出就係啲酒樽，好似想叫貴客不妨飲返兩杯咁。XO仔因人有三急而最後入座，埋位時大家已經點好哂餸兼食緊野。長輩們並非戲迷，冇睇過「食神」，亦唔知人家出名在其「黯然銷魂飯」，面對著兩個大型及小型餐牌竟然係點咗玫瑰叉燒同幾款小菜。食神玫瑰叉燒（$90）：小肥返埋位時，玫瑰叉燒只剩四件之多，故評分不能作準。玫瑰叉燒燒得都好香脆，不過剩返燶咗嗰幾件就硬咗啲，可能因為叉燒唔夠肥啦，整體就變得唔得鬆爽。燒汁夏果牛柳粒（$90）：因細佬對果仁敏感，廚房都好好人地走咗啲夏威夷果仁，只可惜牛柳粒肉質偏嚡同韌，又唔夠汁，頗為失色。睇返啲相先留意到餐牌上明明寫$90，但單據卻收$95，莫非走咗夏威