影片
更多
2010-07-16
12 浏览
意外地早左放工，就趁下午茶時間平d咁食下野之前行街經過厚福街見到個大招牌，就係呢間PappaMia，終於有機會試下。因為約左人dinner，所以唔會叫碟頭野，驚太飽~我0係餐廳門口停低，一名企0係counter後的女子急急低頭向手機另一方說拜拜，抬頭笑著問我幾位，便聯絡餐廳中的同事有客人上去，原來餐廳係要上樓梯先到，我上到去已經有另一名店員打開門招呼我進去，裡面意外地只有一檯4位客人，但裡面眼見0既店員已有5個，我即刻腦中閃過一個念頭：「咁0既生意額點樣維持呢?」我根本可以隨便坐任何位置，坐低後，店員立即放下一杯水，係暖水，同埋遞上menu，我點0既係「介吔+牛油+多士」，其實有另外一個叫「介吔+菜油+多士」，菜油呀，好奇怪啊但英文圖解都係butter，為安全起見，都係揀牛油0個種，下午茶時間可以送一杯$14以下0既野飲，揀下揀下，有樣叫海南參0既奇怪野，我問左位店員「即係咩呢?」，佢就解釋話其實即係我地香港叫0既鴛鴦，但點解叫做海南參就不得而知lu過左1分鐘，有店員給我放下刀、叉和紙巾，不過，令我有d驚訝0既係餐具都有漬，愛清潔0既我即刻用暖水浸濕紙巾去抹乾淨再過5分鐘左右，杯野飲黎
之前行街經過厚福街見到個大招牌，就係呢間PappaMia，終於有機會試下。
因為約左人dinner，所以唔會叫碟頭野，驚太飽~
我0係餐廳門口停低，一名企0係counter後的女子急急低頭向手機另一方說拜拜，抬頭笑著問我幾位，便聯絡餐廳中的同事有客人上去，原來餐廳係要上樓梯先到，我上到去已經有另一名店員打開門招呼我進去，裡面意外地只有一檯4位客人，但裡面眼見0既店員已有5個，我即刻腦中閃過一個念頭：「咁0既生意額點樣維持呢?」
我根本可以隨便坐任何位置，坐低後，店員立即放下一杯水，係暖水，同埋遞上menu，我點0既係「介吔+牛油+多士」，其實有另外一個叫「介吔+菜油+多士」，菜油呀，好奇怪啊但英文圖解都係butter，為安全起見，都係揀牛油0個種，下午茶時間可以送一杯$14以下0既野飲，揀下揀下，有樣叫海南參0既奇怪野，我問左位店員「即係咩呢?」，佢就解釋話其實即係我地香港叫0既鴛鴦，但點解叫做海南參就不得而知lu
過左1分鐘，有店員給我放下刀、叉和紙巾，不過，令我有d驚訝0既係餐具都有漬，愛清潔0既我即刻用暖水浸濕紙巾去抹乾淨
再過5分鐘左右，杯野飲黎左，放0係杯邊0既小spoon同樣地有漬我乾脆將佢浸0係暖水中攪一攪，再攪拌一下杯海南參去飲，好彩冇即刻落糖，因為甜度已好夠，但唔覺有咖啡味，反而似係味道濃一些0既拉茶。
再過5分鐘，多士都黎左，如果要我重新order的話，我諗我唔會揀呢樣野，大家唔好誤會多士或介吔唔好食，而係我覺得食得好唔方便，塗牛油、介吔後，檯上已經好多麵包碎，一黎因為多士好脆，二黎係牛油都幾硬，塗0既時候都需要較大0既力度，唔知可唔可以叫佢地塗埋先上檯呢???其實介吔甜度適中都唔錯，多士都夠爽脆，或者下次會叫其他食評都有讚0既香啡包會好d
用餐期間，再來0既客人都只係一個，雖然我唔知呢度0既午市同晚市生意點樣，但，營業時間內得咁少人流真係令我有d滴汗~_~"
张贴
