菠蘿冰室 (已結業)

下午茶時間，行到餓餓地，去咗位於西灣河的菠蘿冰室，環境和裝修以菠蘿為主題，好得意好有特色，本身考慮要普通西多士定要特別啲菠蘿西多士，但係黎到菠蘿特色餐廳冇理由唔試掛，就即刻就叫嚟試一試西多士有三層面包，十分足料，原片嘅菠蘿夾起中間，一啖咬落去就食到甜甜地嘅西多士，同酸酸地嘅菠蘿，好清新，食多都唔會膩，仲感覺無咁熱氣我仲配咗番石榴雪糕三色冰，個雪糕球有驚喜，番石榴味好出，一啲都唔化學，好似食緊真番石榴咁，個飲品底係忌廉，加上三色啫喱，口感都幾豐富，傘仔裝飾都好可愛。另外朋友本身都想食同菠蘿有關既小炒，但我地都唔太肚餓，所以就叫左菠蘿冰室公司三文治。三文治好足料，麵包 烘到好脆。 另外值得一提就係佢地既飲品， 除咗之前講嘅番石榴雪糕雜果冰，仲有其他雪糕系列嘅特色飲品。朋友叫左奶茶雪糕凍奶茶，估唔到杯奶茶可以咁話咁好飲。我地就係咁係菠蘿冰室到一到打卡一到食野嘆tea🤣另外值得一提就係佢啲員工都好親切友善，係小區入面人情味都好濃❤❤有機會會再去!