嚐囍煲仔小菜

营业中

休息中

今朝去食嚐囍點心，實在係西環街坊恩物，抵食夾大件。點咗蘿蔔糕、叉燒腸、燒賣、牛栢葉、金錢肚、棉花雞等常見點心。當中以棉花雞的魚肚最推介，食過咁多間，呢間最彈牙和足料。不過服務……實在……不敢恭維。小弟不期望响街坊點心店有好周到的服務，只希望叫嘅點心可以快啲到，如果漏單，快啲跟。但係今朝佢地漏咗碟金錢肚，等咗近半個鐘，追咗不同店員四次，冇乜邊個有反應，亦冇一個有好好咁跟單。最後我要行出去追單，終於見到櫃面出現一碟金錢肚，等到店員拎過嚟，已經距離落單成一個鐘，即係等於碟金錢肚等咗一個鐘……但店員發老脾：「等一陣都唔得！」發一位等咗點心一個鐘嘅客老脾，本來幾好味嘅一餐，變成食龍肉都無味。