優點心 (已結業)

晚餐食咩好？點心最驚喜。中環區有間創意點心，選擇好特別，是別間餐廳點心店搵唔到。今晚黎到餐廳，人客唔多，我地叫左幾款點心試試。紫菜雞卷最有意思，雞肉香脆香口，肉質唔會太膩太鞋口，外層炸粉唔厚，即叫即炸。海膽燒賣最特別，海膽我至愛，點上海膽入口唔會有海水腥臭味，豬肉餡豐富夠肥美，入口咸香。拉絲春卷有滿滿芝士，最岩芝士迷食用，入口香脆香口唔會有油溢味，芝士咸香份量多。另點試左一款包點，鬆軟麵粉味重。