影片
以上资料只供参考，请与餐厅确认详情
年尾出左双粮，同三个同事过老兰饮酒，经过呢间 优点心，就打算食下嘢打底先。点知全场爆满……等左成15分钟先有4人台……坐低，先点左最出名嘅 阿华田流沙包。名不虚传！一咬开，啲朱古力流心，【必】出嚟，好香甜，成口都系，好正。不过，呢个饱，我觉得堂食先最正！外卖的话，阿华田流心唔多唔少会【索】左落个饱到。跟手点埋另一个 绿茶流沙饱，又系好正。流心够热，又多，成口都系，感觉回哂本，哈哈……最难得系，绿茶流心好清香，唔会过甜，又唔会苦，恰到好处其实系最考功夫嘅。农场鸡脾饭：好大碟！鸡味好够，又滑。个碟系粉红色嘅心型，女同事见到好开心！另外我哋再有点：樱花水晶虾饺、鲍鱼烧卖、麻婆豆腐等等但一来肚饿，二来挂住食，三来要同佢哋好得意嘅猫店长玩，之后就忘记影相了，哈……铺头细啲，但食品好好食，价钱好合理。女经理好nice，佢同我哋讲，过年期间会装修，过年后做埋二楼，会多啲位。希望到时唔好加价，又维持到食物质素啦。
继续阅读
之前见过呢间餐厅有点心放题，可惜太忙食唔到。上星期咁岩去左中环食又谂起佢就试左一次。点心放题完左但野食一D都唔贵，大部份二十三十蚊有交易，性价比中环黎讲好好！特别介绍人参小笼包，因为一食入面真系有人参片！系真系有人参片唔系净系得个味粉！仲有桃胶系列糖水，之前睇过中医都介绍过有美颜功效，不下于贵价补品。岩哂女士们。除左点心外仲有好多串烧同甜品，有个柯华田流沙包都好正，冇平时流沙包咁闷。虽然位置巷仔到但绝对唔失礼啊。
继续阅读
上次小妹黎到中环食过一次呢间点心，觉得几特别，有好多特色既点心呀！好似阿华田流沙包，原只鲍鱼烧卖咁今次小妹就想试下其他野有好多串烧上次未试过今次一预又试埋啦今次小妹午饭时间同家姐二人同行两个人试唔到太多野🙈🙈今次小妹觉得最正既就系呢款烧卖而且佢地转左新Menu多左啲可爱既名，不过可惜两个女仔小鸟胃下次再黎过啦一于仲想试多啲佢既点心小食睇下系唔系真材实料嘛有兴趣既话大家都不妨黎呢度一试兰桂芳内既点心
继续阅读
有晚Happy Friday OT到8点，男友专登泥揾我dinner, 就去左兰桂芳附近睇下有咩食，见到呢间点心舖有位就入左去，餐厅好静。 不过唔紧要，都系想食下d点心，叫左个竹炭阿华田包，黑白松露野菌饺，流心芝士猪扒麻酱饭。 个阿华田包卖相几靓，闪闪发光咁，但咬落去有d冻，之后换番个暖笠笠都ok! 黑白松露饺都好味！其他就正常，性格比唔算高
继续阅读
带左几个外国朋友黎食，完全中伏，得一个人整野食，我地等左好耐，啲野又难食，所谓嘅流沙包一咬就吡哂啲水出黎，难食到呕；个排骨饭系用微波炉胶盒叮唔知几耐之前整定，完全冇技巧，但叮一叮都要等成粒钟；呢间野一定俾左好多钱落广告同买好评，希望唔好再有人再俾啲假好评同广告扼左中伏......最后唔知好彩净唔好彩，埋单我地投诉个流沙饱好水，佢唔信，自己试mit开佢，即刻弹到我老公件衫，算佢有啲良心，佢想唔waive都唔得!
继续阅读