影片
更多
2022-06-30
263 浏览
好耐都冇試過多人一台咁樣去嘆茶，難得今日有興致就試吓喺銅鑼灣嘅一間酒樓，佢同一般嘅酒樓唔同，裝修都幾宏偉，應該另外有做婚宴，所以無論坐位定外觀都較一般嘅舒服😌我哋嗌咗超多嘢食，今日就嚟食盡佢先，首先呢度必食嘅就係🧄黑蒜螺頭燉雞湯，佢嘅燉湯睇落去色澤唔錯，味道果然係濃郁，大大粒黑蒜喺裏面，仲有啲雞肉，的確豐富👍🏻👍🏻至於小菜方面我哋就叫咗🥬雜菜煲，🐷砂礓豬手粒，佢每一道餸份量都比較多，上菜嘅速度唔慢，豬手粒都係值得推介嘅一道小菜，佢切到每一粒都好厚肉，完全冇骨，好入味，簡直就係冷盤之選😉😉至於點心方面我哋嗌咗超多，有🐔鮑汁鳳爪，🐂薑蔥蒸牛柏葉，🟡金牌流沙包，🥟水晶潮州粉果，🦐蟹籽燒賣皇，🐽香茜叉燒腸同埋🥟鮮蝦炸雲吞，佢呢度所有嘅點心都蒸得剛剛好，皮薄餡靚，裏面嘅餡料豐富，特別要讚吓佢個🥟粉果，同出邊好食好多，啲皮薄得嚟又夠煙韌😋😋，仲有佢個鮮蝦炸雲吞，炸出嚟真係熱辣辣，完全冇多餘嘅油喺度，仲要外皮超脆，真係脆到成個咬落去有聲嗰隻，裏面至小有兩隻鮮蝦，所以真係本身唔係好愛食炸野既我竟然連食左兩件🫣另外我哋嗌咗一份招牌胡椒濃雞湯灌湯餃，佢嘅湯底好清，灌湯餃超大隻，裏面有兩至三隻嘅鮮蝦，都係非
我哋嗌咗超多嘢食，今日就嚟食盡佢先，首先呢度必食嘅就係🧄黑蒜螺頭燉雞湯，佢嘅燉湯睇落去色澤唔錯，味道果然係濃郁，大大粒黑蒜喺裏面，仲有啲雞肉，的確豐富👍🏻👍🏻
至於小菜方面我哋就叫咗🥬雜菜煲，🐷砂礓豬手粒，佢每一道餸份量都比較多，上菜嘅速度唔慢，豬手粒都係值得推介嘅一道小菜，佢切到每一粒都好厚肉，完全冇骨，好入味，簡直就係冷盤之選😉😉
至於點心方面我哋嗌咗超多，有🐔鮑汁鳳爪，🐂薑蔥蒸牛柏葉，🟡金牌流沙包，🥟水晶潮州粉果，🦐蟹籽燒賣皇，🐽香茜叉燒腸同埋🥟鮮蝦炸雲吞，佢呢度所有嘅點心都蒸得剛剛好，皮薄餡靚，裏面嘅餡料豐富，特別要讚吓佢個🥟粉果，同出邊好食好多，啲皮薄得嚟又夠煙韌😋😋，仲有佢個鮮蝦炸雲吞，炸出嚟真係熱辣辣，完全冇多餘嘅油喺度，仲要外皮超脆，真係脆到成個咬落去有聲嗰隻，裏面至小有兩隻鮮蝦，所以真係本身唔係好愛食炸野既我竟然連食左兩件🫣
另外我哋嗌咗一份招牌胡椒濃雞湯灌湯餃，佢嘅湯底好清，灌湯餃超大隻，裏面有兩至三隻嘅鮮蝦，都係非常新鮮，仲配咗啲雞肉，餡料超多，味道又鮮甜😍😍
當食到啲咁高質既美食時候，我哋嗌咗每人一碗嘅椰汁桃膠燉鮮奶，滿心歡喜可以食到一個咁正嘅甜品嘅時候，失望，失望，太失望，除咗個碗之外，完全睇唔出同食唔出佢係燉鮮奶，都算，最重要嘅桃膠竟然得幾粒，呢張相係我喺成碗裏面搵到最大粒既桃膠，鮮奶又淡，得個甜字，桃膠又咁少，仲要唔平，差唔多$40一碗，超失望😩😩
希望佢哋真係有待改善，唔知係咪忙嘅關係，職員都有少少燥底，雖然唔係對住我哋，但佢哋經過都聽到粗口聲，嗰個應該係部長？喺咁舒適嘅環境底下只係想安安靜靜咁食一餐好嘅，希望佢哋會明白，我都明白飲食業長期唔夠人手係一個嚴重嘅問題，但係咁嘅環境同價錢下應該要做個平衡💪🏻💪🏻
张贴
