掌門雞 (已結業)

最近去如心廣場行街, 發現之前食過間高級日本餐廳轉左手,依家變左呢間” 掌門雞”! 佢價錢更親民, 而且假日仲有lunch set, 抵食!韓式炸雞（甜辣）半隻 $188真係必點! 外皮香脆，肉質鮮嫩，而且甜辣醬汁夠味道，真係令人上癮！和牛漢堡配脆薯條 $148和牛可以揀幾多成熟, 我今次揀咗7成! 漢堡配埋薯條上碟，和牛漢堡幾juicy，再配上炸得香脆嘅薯條，絕對係完美組合!芒果黑糯米飯 $68黑糯米飯煮得香甜煙韌，再加上芒果嘅清香，好有驚喜!掌門雞蛋糕配日本雪糕 $58卡通造型打卡甜品! 雞蛋糕仲可以揀朱古力味, 而且仲係即叫即整! 一上碟已經聞到蛋香! 雞蛋糕口感鬆軟!四川麻辣雞煲 $278雞肉滑嫩，份量好多, 配上秘製辣醬同香料，一口咬落就感受到辣味爆發! 飲品方面，我試咗佢地嘅檸檬茶同Fruit Punch，兩款都好解渴！檸檬茶酸甜爽口，而Fruit Punch就有鮮甜水果味道，好適合夏天飲用！