掌門雞 (已結業)

掌门鸡 (荃湾)📇地址：荃湾大河道98号如心广场二期2楼211号舖🕐营业时间：已结业💸人均消费：～$150-200/人👏🏻抵赞位：坐得几舒服，铺位好大，枱同枱之间唔会觉得好逼。新开个阵食，佢用个app登记左做会员有八折，平左少少，都算可以接受嘅价钱🍴Food QC：「麻香手撕鸡拌日本拉面 $88」 啲拉面好弹牙，啲手撕鸡除左有麻酱香味都有少少酸酸辣辣，所以食落又唔会好济，系好食嘅「日式鸡皮饺子 $48/6只」我第一次食鸡皮饺子，所以觉得好好食😂 一咬落去，啲油标出黎，鸡皮劲脆，饺子啲馅都唔少😆「掌门网纹春卷 $48」炸春卷来讲冇乜特别「法式原味烤鸡 $168/半只」上枱都热辣辣，香料味唔系好重，鸡肉都好嫩滑，就算系啲鸡胸都唔嚡，食半只其实都唔系好够喉😂😯有待改善位：Staff嘅人手唔少，但都要fing几下等一阵先有人埋到黎，呢方面可以加强下😼私心回应区：呢间餐厅新开张嘅时候食完一次，觉得质素唔错，但喺商场入面佢个位置可能唔系好显眼，所以唔系吸引到好多客人，过几个月就发现佢执咗笠🙈…查看更多

最近荃湾如心个边新开左间餐厅掌门鸡，呢间餐厅主要食鸡。 环境好大 ，位置都好多，装修偏向日式。 佢烤鸡有好多唔同款式其中特就试左泰式风味烤鸡。佢半只既份量都好大只，佢有d开胃既配菜 仲有泰式既酱汁。鸡皮烤到好香脆，鸡肉十分嫩滑，保留到肉汁。配埋泰式酱汁 ，好惹味好开胃。 泰式红咖喱(软壳蟹)泰式红咖喱份量十足，味道十分正宗。入面有唔少蔬菜，茄子十分入味。另外配左软壳蟹，一黎到都有d意外 ，竟然系2只原只软壳蟹。真系好大份好抵食。 炸到好香脆 配埋咖哩好夹。另外都加配左白饭同香草包，白饭配咖哩十分配，另外香草包都整得好好食，好松软 ，淡淡香草味，食咖哩一定要加配。 沙嗲鸡肉串(6串) 配有开胃菜同沙嗲汁。鸡肉肉质唔会鞋口 ，烤到好香，沙嗲味十足。呢个小食一定要叫。芒果黑糯米饭呢个甜品比较细份，但其实岩岩好，食左好多野之后甜品细细份十分好。黑糯米十分烟un,表面椰汁甜甜地，芒果新鲜，呢个食落一d都唔腻。柠檬茶茶够味，柠檬新鲜唔太酸，偏向正常口味。 整体佢全部野食都好好食，份量都好多，十分惊喜，佢偏向多国菜式，价钱合理抵食，十分推荐。…查看更多

掌门鸡以「鸡」为主题，用唔同烹调方式制作鸡，令人眼前一亮，鸡全部都系鸡，但又千变万化食极唔厌嘅感觉。餐厅空间大，日系装修简约，环境舒适而且装修得靓仔。仲有全日惊喜优惠，美式香料/泰式风味烤鸡，堂食同外卖都极优惠。泰式烤鸡烤鸡外皮烤到金黄香脆，泰式风味突出，肉质嫩滑，配泰式酸汁同沙律，酸酸咪咪开胃好味。海南鸡卖相靓仔，例牌嘅份量已经非常足够，鸡皮细腻，鸡肉嫩滑，底下铺咗青瓜片同花生米，配合黑酱油、姜蓉蒜泥同辣椒酱，令鸡肉更惹味。韩式炸鸡(蒜香蜜糖汁)食鸡主题餐厅又点可以少咗炸鸡，呢度韩式炸鸡有四只口味拣，分别系甜辣、橙味、蒜香蜜糖汁、南蛮，我哋拣咗蒜香蜜糖味，炸鸡肉质juicy唔鞋，皮脆香且充满蒜味，蜜糖汁调味很惹味。掌门鸡蛋糕配日本雪糕，我哋拣咗红豆馅，新鲜制作劲香蛋味，非常推荐！椰青饱满多汁，口感清甜。…查看更多

经过见到全店照价八折，晚市都做到正价再八折真系好抵，所以入去试一试！原来入到去餐厅好宽敞，两个人都坐咗四个人嘅位仲好阔落！见到间餐厅主打食鸡，唔同种类嘅鸡都有！韩国炸鸡，海南鸡，焗鸡，乜都有！除咗食鸡之外，仲有其他菜式真系咩种类都有！点咗一个例牌无骨海南鸡，霸气软壳蟹跟沙律菜，6品小食拼盘，掌门鸡蛋糕配日本雪糕。无骨海南鸡肉质好鲜嫩，最紧要系无骨方便食，点埋佢个酱一齐食，甜甜辣辣咁，仲滑到不得了，仲要冇乜肥膏！！软壳蟹跟沙律菜劲大兜，有成两只超大软壳蟹，仲要炸到外脆内软。试过出边食有啲软壳蟹入边洗唔干净好臭，但系呢一间绝对冇！小食拼盘有好多款，有水牛城鸡翼鸡皮饺子炸虾薯饼等，全部都系香口嘢，所以都叫番一杯好Fresh嘅青柠梳打! 仲叫咗一杯士多啤梨奶昔，冇想像中咁甜，啱啱好！而个甜品掌门鸡蛋糕仲要系即叫即整仲有两个哈哈笑可以打卡！鸡蛋糕热辣辣，配埋冻冰冰嘅日本雪糕，正！餐厅逢星期一至四都有照价八折，两个人为返都系四百几蚊好抵，仲要碟碟都劲大兜，抵食！星期五六日都仲有八五折添！…查看更多

餐厅主题是鸡🐥，任何鸡菜式都有，好似烤鸡、韩式炸鸡、海南鸡、鸡煲、口水鸡、手撕鸡、亲子丼或甚至鸡皮饺子都有🤯。全部都系鸡🐣。但其实除了鸡，还有很多其他菜式，例如各款咖喱、沙律、牛扒、意粉、汉堡、拉面、多款小食等等，种类繁多，总有款合你口味。而环境相当阔落，餐厅面积好大，大到可分三个area。‖ 朱古力奶昔 ($58) ‖卖相吸引😍，朱古力好浓，面头忌廉绵滑好味😋。唯一缺点细杯了一点，我想要大大杯🤤。‖ 意式酥炸墨鱼须配秘制他他酱 ($98) ‖热辣辣脆卜卜，墨鱼爽嫩甘鲜，好喜欢😋，一道好好的开胃小食😍。‖ 法式原味烤鸡(半只) ($168) ‖鸡肉十分嫩滑多汁，好水嫩💦。吃到鸡的鲜味，没有太多调味，咸度适中，但鸡皮烤得不算香脆。‖ 韩式炸鸡(橙味)(8件) ($98) ‖橙味的韩式炸鸡比较少见。大大一碟，炸得金黄香脆，件件鸡块都沾满橙酱汁。味道一流😋，香橙味炸鸡好好食😍😍，必点🤤。‖ 掌门鸡蛋糕配雪糕 ($58) ‖点了原味，即云呢拿雪糕。鸡蛋糕好香蛋味😋，质地实实地，又带点松软，口感好好。还有鲜忌廉和香蕉、士多啤梨及蓝莓伴碟。开心☺️。…查看更多