燒夜食堂 (已結業)

一間係長沙灣既小店，店舖入面有2個年輕人，外表好似我咁毒，但卻已經打理緊間唔錯既串燒店。見到佢地，雖然講野陰聲細氣，招呼又唔算熱情，但就feel到佢地想份衝勁，面臨地產霸權，都要係香港開食舖，係呢個社會做一個staker店舖雖小，但用料都唔差，雖然格局有唔少可改進既地方，例如開2邊爐，咁快d出貨比人，好過空左一邊廚房，串燒店黎講，環境都算企理乾淨。食物方面，有提供套餐，都算幾抵食，但出菜方式就比較特別，佢一定要整曬全部你點既串燒先會出菜，上枱既時候排到靚靚仔仔，都唔錯，但出菜就可以快一點點🧐味道方面，火喉掌握得幾好，調味方面，就清淡左少少，但入口都唔算差，比較健康一點既串燒。餐牌有得點五大訴求，但可惜既係出菜就無呢樣。唔知呢五大訴求失蹤左，定已隨著炭火熄滅左，希望呢間串燒店未來仲keep到團火喇！