影片
更多
2024-01-17
19 浏览
先幾日去咗大埔行街，淨係超級城大到有分唔同區，行到肚餓，梗係要填飽個肚再行過啦😆，到咗晚飯時間其實又唔係好肚餓，食個湯麵就啱啱好，呢邊都有超多餐廳選擇，其中呢一間🌸黔滋味🌸喺商場附近，好似係食川菜，可能就返香港人口味，佢哋大部份嘅嘢食都有唔辣👍🏻，加上價錢又實惠，所以可以一試🤣🤣原來黔菜即係貴州菜😆，菜式嘅特點係酸,辣,香,鮮,味道比較濃郁，所以同川菜比較似，會有混淆，不過只要好食咩菜式都冇所謂😂😂呢間餐廳⚠️重點推介係❌絕無味精❌，佢哋湯底係採用🐷豬骨熬製，❌絕無任何添加❌，所以一定要試過就知，同埋呢度嘅米線只係得一種，同出邊食嘅有啲分別，比較粗身同更加爽口😍，唔係度度有，我就比較鍾意食呢一款嘅米線😍，湯底方面可以選擇小辣/中辣/大辣/不辣🫶🏼🍜牛展粉 配紅燒排骨 $60+$10 雙拼 :我哋就揀咗兩款面都係雙拼，配料方面會有油菜，香蔥同芫荽，兩碗米線都係唔辣🫶🏼，湯底都相當濃郁👍🏻，睇得出面層有一浸油，好似老火湯上面嗰浸咁，其實食係冇辣味，不過就有一種麻嘅感覺，可以接受👏🏻，米線嘅份量比起出邊食嘅多，好似我咁就一定食唔晒，至於主角方面，牛展肥瘦均勻，牛味較重😋，肉質幾嫩👍🏻，紅燒排骨
原來黔菜即係貴州菜😆，菜式嘅特點係酸,辣,香,鮮,味道比較濃郁，所以同川菜比較似，會有混淆，不過只要好食咩菜式都冇所謂😂😂
呢間餐廳⚠️重點推介係❌絕無味精❌，佢哋湯底係採用🐷豬骨熬製，❌絕無任何添加❌，所以一定要試過就知，同埋呢度嘅米線只係得一種，同出邊食嘅有啲分別，比較粗身同更加爽口😍，唔係度度有，我就比較鍾意食呢一款嘅米線😍，湯底方面可以選擇小辣/中辣/大辣/不辣🫶🏼
🍜牛展粉 配紅燒排骨 $60+$10 雙拼 :我哋就揀咗兩款面都係雙拼，配料方面會有油菜，香蔥同芫荽，兩碗米線都係唔辣🫶🏼，湯底都相當濃郁👍🏻，睇得出面層有一浸油，好似老火湯上面嗰浸咁，其實食係冇辣味，不過就有一種麻嘅感覺，可以接受👏🏻，米線嘅份量比起出邊食嘅多，好似我咁就一定食唔晒，至於主角方面，牛展肥瘦均勻，牛味較重😋，肉質幾嫩👍🏻，紅燒排骨就相當惹味，肉炆到腍身🤤，將醬汁滲入肉裏面，食起上嚟好入味，份量都幾多，有成三大嚿👍🏻👍🏻
🍜牛肉丸粉配鮑汁豬軟骨 $60+$10 雙拼 :唔好睇小佢哋嘅牛肉丸，並唔係普通嘅牛丸，佢真係有牛肉喺裏面嘅肉丸😆，咬起上嚟相當彈牙，肉汁豐富，好有爆漿嘅感覺🤤🤤，牛味都係相當香濃，豬軟骨方面都係相當入味，炆到腍身，又唔會冇咗本身嘅肉味😌，好易咬開，值得一試👍🏻，如果比起出面嘅三餸米線或者係連鎖米線舖，我會選擇係呢度食，性價比高之餘，食得出冇味精，飯後過咗幾個鐘都唔會覺得口渴👏🏻👏🏻👏🏻
🥔涼拌土豆絲 $30 :呢兩款嘅涼拌都係叫咗唔辣，裏面嘅配料有生蒜，芫荽，花生同埋秘製醬料，食落嗰種味道係川菜嘅涼拌味，不過就冇咗辣同麻，我覺得味道都唔錯，好開胃😋，土豆絲爽口，價錢又夠實惠👍🏻
🐷涼拌豬耳 $38 :另外呢款涼拌豬耳都係，幾入味，估唔到份量都幾多😍，好爽口，另外佢會有啲好似麻油嘅嘢，不過唔會特別油膩，反而幾香
🥬上湯娃娃菜 $25 :食咗好多比較重味嘅嘢，要叫返呢款上湯娃娃菜過濾吓，擺盤唔錯，雖然呢款比較清淡，不過又唔會淡到冇味，叫叫下又食到咁多嘢🤣🤣
🩷紅糖糍粑 $35 :最後食埋甜品先至夠完美，估唔到又真係有甜品喎😍，呢款🩷紅糖糍粑唔係度度嘅中菜館都會有，$35有五件真係幾抵👍🏻，佢哋係即叫即炸，所以嚟到會非常熱，記住要攤吓先食😌，佢外脆內軟又帶點煙靭，裏面嘅紅糖好似流沙咁，估唔到炸得都幾好食🤤，層次感豐富，下次買糖水都一定要整返個糍粑食吓🤣
🍹桂圓紅棗茶(熱) $12 :嘢飲方面呢款紅棗茶都係即浸，所以嚟到嘅時候要攤吓先飲會更加入味😆，甜度方面係本身桂圓同紅棗嘅甜味，都冇額外加糖漿落去，所以整體唔錯😋
🍹凍檸茶 $10 :最估唔到嘅係佢哋呢杯凍檸茶，呢杯凍檸茶無論味道同賣相都係一杯凍檸茶🤣，不過佢係🌸珍寶凍檸茶🌸，價錢唔會特別貴，同茶記差唔多，食辣嘅一定要整返杯凍冰冰嘅檸檬茶啦，絕對係良心價👍🏻👍🏻
张贴
