佳佳甜品 (已搬遷) 新店位置

有頭盤, 有主菜, 當然唔少得甜品, 加上串爆一早已點名話要黎睇熊貓, 所以當一離開四川串燒佬後, 就即係行過黎睇熊貓! 兩間地方只係差幾步, 仍記得當時只不過係晚上八點幾, 但已經有好多人黎睇熊貓, 真係人山人海, 不過喺自己地方始終易話為, 所以唔使等就有位, 爽!坐底後, 就各自搵食, 當大家都諗掂後就落單, 肥鄧揀左冰花燉雞蛋, 串爆就要白果薏米腐竹, 大聲選擇花生麥米粥, 而吹雞就保險啲揀海帶百合綠豆沙清下熱毒! 甜品從來都唔係強項, 加上冇試其他幾款, 所以就淨係講下海帶百合綠豆沙; 綠豆沙味道唔太甜, 絕對啱晒胃口, 加上綠豆煲到好溶, 一啲都唔稀, 絕對有沙嗰種感覺, 真的幾好, 不過唔多覺有海帶, 亦冇臭草嘅香, 反而百合就有, 仲略嫌多少少添, 始終唔太鐘意, 所以最後都揀左出黎冇食! 只見肥鄧同大聲都食得好快, 唯獨串爆好似有少少微言, 皆因好似揀錯左!總括黎講綠豆沙嘅水準可以, 係地方勁細, 坐街邊, 冇咩環境可言, 服務亦冇咩, 價錢就接受到, 埋單四碗都係五十幾, 每人十多元, 正常價位, 接受到! 呢隻熊貓喺呢一區向來有朵, 所以相信大家都冇咩不滿, 而笑