佳佳甜品 (已搬遷)

甜品好好賣，楊枝甘露沒有了。買了四份甜品:芝麻糊像墨汁一樣黑很香甜。湯圓好吃不過不太習慣薑汁味道。紅豆蓮子好喝，甜度正好有濃郁的紅豆香味。腐竹糖水，腐竹好淋，甜度剛好，份量也夠多，還可以自己搭配比如紅豆糖水里面加湯圓。…查看更多

今下雨天,中午在佐敦區行街,見到已搬了新舖佳佳甜食,當然要入内食個甜品午餐啦,先叫一碗湯丸,超正,薑湯夠辣,湯丸又滑,係我食過各家湯丸之NO l.太好味啦!决定再來一碗兒時至愛麥米粥,有尋回兒時味道感覺,好滿足的一頓甜品午餐。…查看更多

跟豬大人在十八座九仔粉吃過了午餐後,隨即走過對面的’’佳佳甜品’’吃碗中式糖水。對合桃露情有獨鍾的青蛙甫坐下已鎖定了目標,已多次光顧的豬大人還提議青蛙加湯圓來吃,好吧!! 反正甜品胃仍是空洞的, 多三粒湯圓算甚麼呀 ^^熱合桃露加湯圓 ($25)合桃露的稀稠度適中, 不過入口只是微溫。味道方面, 合桃味未見突出, 幸好整體上不太甜。另外, 吃到底部時會有粒粒似是用粉開水未混和的物體,建議吃之前先自行用湯匙混和。至於湯圓的皮夠薄,雖然麻蓉餡不像’’福元湯圓’’般多到一咬開便會流出來,但同樣是香而少甜, 正呀!!熱芋茸蓮子西米露加湯圓 ($23)甫上檯已傳來非常香的芋頭味, 吸引吸引!!芋茸做得出色, 入口能吃得到芋頭茸的質感,只是豬大人這碗相對上比較甜,可以的話, 店家略為減少一點甜度會更覺完美。…查看更多

糖水鋪位於馬路傍的轉角位，一到入夜便有不少人擁來......晚飯後總要一嚐甜食，才能滿足肚腹之欲，為一整天畫上完美的句號。天寒地凍下，中式糖水特別受歡迎，人們都想吃一口熱呼呼的糖水，暖暖身。晚上八點多，漸開始多人了，店員為開始等候的客人搭起枱來，在路傍搭了6-7張枱。像是大排檔式的格局，在路邊吃糖水另有一番風味!糖水的款式不多，全是中式傳統糖水，價錢非常便宜，只有$14/$16兩個價錢。見很多枱客都會點糊類糖水，合桃糊，芝麻糊，杏仁糊，想是應該不錯吧!我選了蓮子紅豆沙加湯圓，加湯圓只需$5有3粒。送來的紅豆沙熱辣辣的，飄來陣陣的陳皮香，令人垂涎。用湯匙攪動著，見紅豆沙並未算是杰身，可能水及紅豆比例有別，水較多了點。試著一口，不算很甜，甜度剛剛好。沉在底有不少的蓮子，蓮子也煲得淋身。湯圓是芝麻餡，size較少，可一口吃掉，不需咬一半之後芝麻流出來，吃得狼狽。冬天來吃中式糖水的確不錯，夏天來吃會太熱了。佳佳甜品~風味佳、價錢佳、味道佳!!…查看更多

呢間係我每次去到佐敦都必定會到既鋪頭, 就算幾飽都會食呀 !!!每次必食既濃薑蕃薯糖水果然冇令我失望, 薑味濃烈得冇人能及, 飲完即刻感覺到全身血氣運行, 正呀 !!!至於凍百合綠豆沙就清甜不膩, 飲多碗都冇問題呀~~~…查看更多

跳舞之前唔想食正餐咁飽, 最好就係食甜品~見呢間人氣咁勁, 就試下佢~但天口有D熱, 所以叫左凍燉木瓜. 其實係糖水加木瓜一個好簡單既甜品.木瓜料好足, 舊舊大舊同硬度適中. 糖水既溫度係剛剛可以消暑又唔會凍到頭暈既好溫度.甜味FIT SAI. 糖水同木瓜本身既甜味混係一齊, 唔會過份甜~GOOD!下次應該試下大家都讚既合桃露,蕃著糖水同湯圓!…查看更多

這些年來，因被業主瘋狂加租，而結業的小店，實在不計其數，就說說甜品店，已經數到西環森記，與銅鑼灣的一品齋，後者上年尾結業，到今天還是復出無期。隱身在佐敦寧波街，老牌甜品店佳佳，每次晚飯時間經過，總是坐滿食客，上次來吃甜品的時候，想吃補腦合桃露，可惜已經賣光。這晚再與女友來吃甜品，先問問店員有沒有合桃露，如果有的話就坐下，沒有的話就離開。店員給了我們一個滿意的答案，於是者，搭檯也照坐下。現今大多甜品店也可以吃合桃露，但水準參差，不是太過稀，就是味道淡出個鳥來，佳佳的合桃露，質感既香滑，濃凋，不過杰，而且帶著香甜的合桃味道，＄16的代價，換來累積多年的心血，還說貴？至於，有沒有補腦作用？我想是因人而異，假若是一名腦殘，怎樣補也沒有用，哈哈。店內的食客，除了在附近的上班族，打扮冶艷的性工作者之外，當中不乏年青人，慶幸像這一類賣中式糖水的老店，還能吸引到一眾八，九十後，未必是有救，但可以憑著口碑而流傳下去。…查看更多

與友人已經食過佳佳糖水好幾次，次次都咁有水準，一定要嚟open rice 俾返個like 佢，嚟佳佳首選一定係佢嘅勁辣薑汁寧波湯丸同蕃薯糖水。前者軟滑彈牙，後者與薑汁融合得天衣無逢，真係每次嚟都要食其一！而唔中意薑汁的朋友也可以選擇杏仁糊，杏仁味香濃且質地幼滑，絕非溝粉貨色！而麥米粥與薏米糖水亦煲得細綿，佳作之選！最後溫馨題示一下，嚟到佳佳千萬不要吃紅豆沙同綠豆沙...絕對係中伏之選，好希...水del del的,不過可能亦有好此道的朋友吧^_^;…查看更多

叫左碗凍冰花燉雞蛋, d 蛋好”結” (too thick), 幾乎好似屋企煮個d 蒸水蛋, 朋友叫左個熱的, 食落都係一樣. :(有朋友在落哦打時問夥計有d 咩推介, 夥計就介紹左濃姜番薯糖水, 加湯圓多5蚊, 碗糖水一送到時, 熱臘臘, 坐係佢對面都聞到濃濃o既姜味, 加上見到個糖水的色水就知一定係熬左好耐, 如果唔係超鍾意姜o既朋友就建議唔好揀. 係冬天食可能係比較好的一個選擇, 應該會暖立立.另外見到朋友d 芝麻糊同核桃糊個賣相就機好, 好滑, 佢地都覺得ok. …查看更多

每次經過都一定要買無論燉蛋、湯圓、蕃薯糖水、西米露都好好味用料足甜度恰到好處而且又平今次食香芋西米露用香芋打成蓉有粒粒晶瑩剔透既西米仲有幾粒蓮子真係好得所以誠意推介…查看更多

細過o既時候最怕就係中式糖水，見到靜係得中式糖水o既鋪頭，我係唔會入去，可能因為陪媽咪食得多，唔知幾時開始就鍾意左。糖水鋪越開越多，但傳統中式就買小見小，人人都要多花款，舊的就會被洶汰。好多由細幫襯開o既鋪頭都一一結業。佳佳不嬲一貫作風，唔花巧。中午時份，見老闆係度將d煮好o既糖水放入雪櫃，見都未食晏，就叫一個飽肚d o既蕃薯糖水，平時食飽飽就唔敢叫，因為驚太飽。真係好係薑，因為我好鍾意任何薑o既食物，所以覺得好好味啊！飲d薑水落去感覺到個胃都暖左一暖，d蕃薯好淋好綿，有4大舊。媽咪就叫左杏仁糊加湯圓3粒。我冇試食，因為我唔鐘意杏仁味。媽仔話幾滑，芝麻湯圓都好食。仲有佳佳o既合桃糊同芝麻糊都好食，起碼唔會好漏。…查看更多

同內人又行經佐敦, 諗起佳佳就口痕過黎食啦黎到叫左兩碗糖水: 芝麻糊 馬碲露芝麻糊 都已經唔係第一次食:)同之前一樣, 好滑好綿而且油光唔多, 証明唔係落左好多油:)馬碲露 係內人中意食既:)佢話好爽好食最岩夏天食喎仲話好足料添…查看更多

露天的小店售賣傳統的糖水，很有香港的味道！點了湯圓，八粒很抵食，薑水很薑;薏米白果腐竹，沒特別。另外外賣了回家，蕃薯糖水👍很夠薑而且足料，冬天食一流; 熱燉蛋👍很好吃！好吃，價錢平民，來佐敦晚飯必再來！…查看更多

甜品雖然是四季皆宜, 但中式甜品店卻在冬天比夏天較旺, 因為中式甜品一向說成有滋潤保健作用, 所以多數是熱食. 但這間甜品店, 不論什麼季節, 也是這麼多人. 尤其到夜晚, 就在街頭筵開十席, 熱熱鬧鬧. 店裡只有三四張摺檯, 簡陋的小店, 沒有裝潢, 沒有設計. 他們售賣的都是中式糖水甜品, 而且款式不算多. 看上去很有歷史, 很有懷舊感覺. 不過要真心吃一碗糖水的話, 就是在這裡. 冰糖燉木瓜:香甜可口, 非常滋潤. 不錯.冰花燉雞蛋: 熱辣辣的蛋花, 很濃的蛋味, 滑溜而且不會水汪汪，值得推介.每款都做得好有水準, 加上價錢合理, 難怪堂食外賣都這麼多人.…查看更多

從小就開始到佳佳甜品, 還記得以前的芝麻糊非常香. 最近也在佳佳食宵夜, 嘗試過蕃薯糖, 芝麻湯圓. 湯圓的芝麻有點太甜, 最重要的是芝麻没有以前的香, 可能是原材料的問題, 非佳佳可控制. 蕃薯糖的糖水薑味還是超辣, 喜歡與否視個人口味吧. 但是蕃薯比較"粉"(不是軟), 也不夠甜, 應該也是原材料的問題, 可以說無奈. 以價格而言, 無可厚非, 但可惜水準不如以前.順帶一提, 店内有一两個年青人幫忙, 但排隊,下單都有點混亂. 希望可以改善. …查看更多