黑門水產すいさん (Fashion Walk)

呢間店有好日本既感覺,鍾意食水產,佢又似係主打海鮮,就同朋友黎左食。先左鯛魚刺身,個醬汁酸酸地好開胃,似係加左醋。鯛魚片到好薄,好似透明咁,好特別,係新鮮既。白子好肥美又補身。熟食就叫左條燒秋刀魚,好香,魚肉亦好緊緻,加埋檸檬汁,鮮味大大提升。比目魚都唔錯,個皮好香脆,魚好鮮美。甲羅燒超正,一定要食。裡面有蟹膏、海膽、蟹子、蔥、蟹肉同埋eggs,超豐富,店員燒完後,我張d醬mix埋紫菜梳打餅食,超正!最後要追加梳打餅。另外仲叫左個海鮮茶碗蒸,都係有海膽既,好味又新鮮,蛋好滑流。