鳳鳴石磨腸粉 (船塢街) (已結業)

住紅磡既好友介紹鳳鳴石磨腸粉，好味得黎價錢又貼地而且人情味十足，今日入到紅磡一定要試下!    店員親切又細心地推介各款腸粉，期間見好多街坊幫襯，小店好多捧場客~即叫即做既腸粉熱辣辣，仲可以轉紅米/黑米腸粉，增加膳食纖維，更健康!黑米蟲草花蝦米腸 黑米腸粉煙韌唔嚡口，蟲草花鮮美有咬口，蝦米大大粒色澤乾淨。配以豉油、芫荽、炸蒜等調味，提升味道層次，夠哂惹味。養生又好味，皇牌之選!石磨雞蛋豬肉腸石磨腸粉嫩滑充滿米香，雞蛋蛋香濃郁，好香滑，啖啖都係彈牙碎豬肉同雞蛋，配埋豉油、麻香汁、炸蒜等配料，更加香口惹味，正~黑米豬潤腸轉左營養價值高既黑米腸粉，米香軟綿，真係好滑溜，豬潤味濃有咬口。飲品有四款供選擇竹蔗茅根甘而性涼，清熱下火一流。清甜滋潤易入口，大人小朋友都岩飲。紅棗桂圓茶養生補氣，微甜味道濃純。羅漢果茶有補腎潤肺之用，啖啖甘甜潤喉。鮮磨豆漿豆味香濃唔會過甜，滿滿既營養。