海港酒家

营业中

休息中

招牌燒鵝皇實在太令人失望了。本人自取外賣燒鵝皇半隻，當時兩位員工一個斬緊一隻正常鵝，一個斬緊一隻全黑（焦燶）鵝。排我前面的婆婆已要求唔要黑焦果隻。到我了；燒味部員工給我那隻全黑（焦燶）燒鵝，我要求更換。他死撐仲話:「唔黑，邊度黑。」我要求他打開個盒俾我睇清楚，他竟然對我說：「食就食，唔食返去（收銀櫃）退錢！」我問點解唔可以斬過另一隻？他同我講「你等吓先。」我好想走，但今日母親節，阿媽想食；等就等啦～～大概十幾分鐘後（其間已斬2隻燒豬，5、6隻雞）。我問他有得攞咪？他竟然叫伙記斬埋黑焦果另一半俾我。他態度十分惡劣！仲玩我。好⋯我就去收銀櫃退錢。前前後後，我排左兩次收銀隊（第一次外賣自取落單、第二次退錢）又排左一次燒味部；又被迫「等吓先。」用咗大半個鐘先走得。好彩時候尚早(6點多)，可以幫襯其他食店外賣。今時今日咁嘅服務態度，我實在忍唔住要寫食評。