一寿司 (已結業)

好耐都無食過一壽司，今日難得早左放工，就去了雅蘭分店食晚飯，原來黑夜半價提前到六時開始，以後唔晒等到十點咁辛苦。竟然壽司刺身半價，我同朋友當然是專攻這兩個範疇啦，三文魚一貫的肥美鮮甜；蟹棒有黑松露醬的加食味更特出，其餘的帶子、吞拿魚軍艦、左口魚裙邊等等都非常惹味。餐廳還有不少創意壽司款式，點了一件「一壽司」，是以鰻魚包裹着飯團，綴以吞拿魚腩、海膽以及魚子，外表非常吸晴，食味更是豐富。另一款「初吻」，聽名字已經很好奇，原來是款軍艦，但以青瓜片代替紫菜包着飯團，配上三文魚粒和芒果粒，味道很清爽，所以是想說初吻很Fresh的意思嗎？很有趣的Idea。熟食就沒有半價，但價錢亦不會特別貴，點了安格斯牛柳粒、串燒和牛肉烏冬。牛柳不覺韌口，配合大瓣炸蒜和車厘茄，更是滋味。串燒叫了芝士翠肉瓜、牛舌、蕃薯仔同麵豉茄子，翠肉瓜以厚切方式燒製，Juicy得很，個人認為即是沒有芝士，淨吃已經很Perfect; 牛舌有點兒韌，蕃薯仔好甜，而所以食物都是即叫即製，因為係會熱到辣嘴的！成餐食得好滿足，兩個人食左十幾點野只不過係四百幾蚊，超級抵食，而且服務蠻不錯，朋友因為腳傷行動不太方便，經理見狀就特別安排了門口位置