影片
食记 (158)
上网见到有人话一寿司做到2月3号就结业了，虽然唔系成日食，但同过唔少朋友来过，所以决定结业之前食最后一次。虽然天气好冻，但都仍有好多人前来食，我地6点半到达都要排队排到转角位，不过大概等左15分钟就可以入去啦，可能因为太多人太忙，所以未入已经讲明只可以落单一次，于是我同朋友都点左好多野食。如果讲到一寿司，每次黎到都好想食清酒煮蚬（$36），虽然无半价，但份量都好多，而且都好有味道食完蚬又等左一阵先上寿司，挂住食有几碟都唔记得影相😋。当然仲有软壳蟹手卷食到最后几碟其实已经好饱，因为怕无得再加而唔够，结果叫得太多，两个人勉强食晒～加一系半价前价钱，所以服务费都偏贵，食完差唔多8点我地都好快埋单走了，因为出面已经排队排得好夸张。整体而言今次食得好满足，但如果唔早啲到或者太多人，排队真系需要等一段时间，同埋上食物速度有啲慢，但晚餐时段同因为太多客太忙都明白的，算系同一寿司的一个完美句号
继续阅读
以黑夜寿司出名嘅"一寿司" 将于2月3日结业了很多年前就好钟意食, 一收到消息便嗱嗱声揾齐脚作最后集体回忆.而家黑夜寿司唔会咁夜, 18点就黑夜寿司(半价优惠). 我地19:30 到唯一一间一寿司, 已经大排长龙, 龙尾根本见唔到一寿司门口, 一直排到近大门口人龙又转弯入后楼梯, 足足排咗2个钟先到门口.21:30终于排到大门口, 入坐前声明无得加单, 只有一次机会, 我地一于尽地一煲, 又叫到成枱都系, 其实我睇最近期嘅食评, 好多人都讲质数下降, 服务好差, 但我今次去到还可以呀! 只系要企都腰都断先入到去啫. 而我最爱嘅海胆都好甜, 成个军舰装满满, 牡丹虾好鬼鲜味, 又有膏, 连虾头都食埋, 但全晚最贵就系佢, 虽然减价后HK$24/只, 但相比其他款式, 牡丹虾系最贵嘅.要集体回忆就好快快过去喇.
继续阅读
黑夜寿司将于2月3日光荣结业，为了怀念一下，所以相约朋友来吃。距离上一次来吃应该有好几年吧，因为不断有新的餐厅开张，所以已经有好早一阵子没有来了。我们点了10多碟的寿司，有一些已经卖完了，可能因为我们快10点才进去的关系吧，另外也点了3杯饮料。寿司一般般吧，饮料算不错喝，如果不是因为快结业，应该不会来光顾吧。
继续阅读
得知就黎结业，带妈咪再黎帮衬下！未够6点已大大排长龙，好彩我早左黎拎位先，第一轮已经安排入座。首先梗系拎张order 纸丧剔半价寿司，手卷先啦！由于妈咪最爱日本野，见到成枱都系食物，满心欢喜！再食到津津有味，望见都觉得开心！食完一轮又再叫多轮，半价正价系咁叫，真系好正！其实d野食都算系咁啦，最爱食玉子烧，每次食都系一样既味道，又俾佢keep到㖞！
继续阅读
两星期前得知一寿司最后一间分店将于二月头结束营业，曾经盛行一时既一寿司终于要告别我地，于是就约左朋友去怀念一下以前成日排队食黑夜寿司既味道。六点半已经好多人排队，等左大约一个钟，七点半就可以入座~同朋友丧点左好多寿司🍣卷物同刺身😂玉子烧一如既往的好食，卷物普通冇乜特别。特别推介'龙虾沙律花之恋'，龙虾沙律同三文鱼系完美既配搭👍🏻不过食一件就好滞了。。刺身叫左: 三文鱼，牡丹虾，甜虾，帆立贝，三文鱼甜虾尚算新鲜鲜甜，但帆立贝就冇乜味😅另外叫左长鳗鱼寿司，呢个真系不得了，放入口系冻冻地既😥咬唔开的鳗鱼，不能接受总括而言，食物质素OK，但唔好点鳗鱼类既食物😅
继续阅读