影片
更多
2016-01-29
174 浏览
黎蒸氣火鍋店唔蒸很有趣的說。當枱枱煙霧瀰漫之際。我地煙都唔煙。但係又得勁為過癮。個蒸爐淪為我地放餸既平台。都咪話唔攪笑。 先黎兩味炸野。避風塘茄子同酥炸墨魚頭。開頭諗住墨魚頭會係墨魚咀連墨魚鬚。點知原來係魚片頭咁既樣。墨丸膠夠彈牙。一路咬一路會吱啲好鮮味既汁出黎。仲有粒粒墨魚同脆軟骨。無論口感食味都好好。而茄子又得喎。粉漿極薄。油溫控制得好唔會成口油配埋啲炸蒜真係呢。 跟住黎兩個凍海鮮。先黎既係秘製花甲。花甲夠肥美。輕焯之後用帶酒同鹹香既秘製汁提鮮。效果唔錯。凍花蟹就食得多。凍瀨尿蝦唔多見。第一要隻尿蝦夠大。又要夠實肉。來貨一定要有門路。同某家既冰醉瀨尿蝦唔同。呢到既凍尿蝦同凍蟹做法一樣。就係蒸同攤凍。淨係用瀨尿蝦本身體內既海水黎調味。最最最爆既係竟然係爆米既瀨尿蝦。中間條膏既比例仲多過肉。膽固醇萬歲！多人分食一隻唔過份啦XD 黎個湯暖下胃。係杏汁白肺湯。叫價五百仲要預訂咁巴閉。飲落夠濃夠厚身。豬肺冇異味又白雪雪食等放心。唯一不足係杏味對我黎講未夠喉。嗯。咁當然我係比較重口味既。 跟手黎個雞油蛋白花蟹。呢一味真係分唔清邊個係主角。花蟹頂殻肉滿又甜。蛋白吸
很有趣的說。當枱枱煙霧瀰漫之際。我地煙都唔煙。但係又得勁為過癮。個蒸爐淪為我地放餸既平台。都咪話唔攪笑。
先黎兩味炸野。避風塘茄子同酥炸墨魚頭。開頭諗住墨魚頭會係墨魚咀連墨魚鬚。點知原來係魚片頭咁既樣。墨丸膠夠彈牙。一路咬一路會吱啲好鮮味既汁出黎。仲有粒粒墨魚同脆軟骨。無論口感食味都好好。而茄子又得喎。粉漿極薄。油溫控制得好唔會成口油配埋啲炸蒜真係呢。
跟住黎兩個凍海鮮。先黎既係秘製花甲。花甲夠肥美。輕焯之後用帶酒同鹹香既秘製汁提鮮。效果唔錯。凍花蟹就食得多。凍瀨尿蝦唔多見。第一要隻尿蝦夠大。又要夠實肉。來貨一定要有門路。同某家既冰醉瀨尿蝦唔同。呢到既凍尿蝦同凍蟹做法一樣。就係蒸同攤凍。淨係用瀨尿蝦本身體內既海水黎調味。最最最爆既係竟然係爆米既瀨尿蝦。中間條膏既比例仲多過肉。膽固醇萬歲！多人分食一隻唔過份啦XD
黎個湯暖下胃。係杏汁白肺湯。叫價五百仲要預訂咁巴閉。飲落夠濃夠厚身。豬肺冇異味又白雪雪食等放心。唯一不足係杏味對我黎講未夠喉。嗯。咁當然我係比較重口味既。
跟手黎個雞油蛋白花蟹。呢一味真係分唔清邊個係主角。花蟹頂殻肉滿又甜。蛋白吸埋啲蟹汁又滑又好味。雞油又係靈魂。令到成碟香味倍升。所以嗎。將蟹拆肉撈埋啲雞油蛋白食。一流
张贴
