上海姥姥 (已結業)

由於荔枝角無乜好食，基本上去多幾次，已經諗唔到可以食乜每次都為諗食乜而傷腦筋！我地見最近呢間上海姥姥長期都好多人，究竟係大家想試新嘢？定係真係好食呢？我地決定試一試，搵出答案！食物種類都幾多，基本上海餐廳有嘅嘢呢到都有。先叫咗一個雞絲粉皮$52，味道正常，不過不失。小籠包做得都唔錯，皮薄多汁！仲以為會好伏，點知有驚喜！醉豬手$62我無試到！因為佢全部都係皮而我麻麻地豬皮，所以無食。不過男朋友話佢味道唔錯，幾入味同爽口，都值得叫！最有驚喜係呢個黃金魚塊$72，蛋黃好均勻咁痴係魚塊到，食落香脆唔油膩，仲好香蛋黃味，送飯食一流另外怕唔飽，仲叫咗呢個酸辣湯麵$50。麵份量好大，酸辣湯配料都算多，不過略嫌湯汁唔夠多，再多少少會更好。其實我地有追加佢塊排骨$23，但真係好失望，又乾又韌！難食到連相都無影而且仲收$23，認真唔抵。雖然排骨唔掂，但其他食物質素係OK嘅！我地3個人食咗$300，每人計番先$100，都算抵食啦。