影片
叫咗啲粉面、炒饭，味道都唔错，但系凉菜份量就好少，𠮶碟鸡丝粉皮$50，个碟仲细过BB碗。。。熏鱼都系得𠮶三四旧细细旧，整体味道还可以，系份量比较少，同埋服务好一般，请侍应帮手加茶，佢有啲粗鲁咁讲「转头」
继续阅读
呢间舖系成日去饮茶都经过，呢个品牌嘅食物以前喺另一区都试过，冇咩特别，不过平日经常去饮茶，今日一于试吓新口味，就去试吓啦！我同老婆叫咗麻辣口水鸡、招牌小笼包、四川担担面、爆汁鲜肉锅贴。首先讲佢嘅麻辣口水鸡，够辣但唔过份，有四川风味，都食到鸡味，肉质实净但唔韧，系冷盘，食落清新，味觉十足😋，只系觉得份量再多啲就好，毕竟$78都唔平。讲到小笼包，直头有惊喜！皮薄，有汤，汤汁香浓，肉嫩，点埋啲醋，真系一流，可惜每人两粒，真系有啲唔够喉！😋再嚟系四川担担面，呢个又系值得赞，有花生碎、花生酱、肉碎，香、浓，面条有咬口，唔会偏林或偏硬，毕咗落碗𠮶啲汤我都饮埋！😋最后，我哋追加咗个爆汁鲜肉锅贴。锅贴皮靓，唔厚，一面煎脆，咬落有少少肉汁，肉嫩，再点啲醋味道唔错😋，只系份量得三只太少。今餐真系有惊喜，不过以lunch来讲价钱偏贵，或者系我哋大食啦😅。
继续阅读
好耐无食四川担担面。上海姥姥招牌菜就系四川担担面同埋小笼包。用手机app下单。个担担面加凉伴小菜系$79。小笼包$18。加埋服务费总价$112.7。先讲个担担面，面身弹牙。好汤微辣。好食但个面份量唔够。太细份。凉伴小菜好重花生酱味。入口清香。加埋杯冰冻豆浆。好美味。个小笼包好好味。整体好重上海风味。
继续阅读
Score 总分: 65-70讲到食上海野，大家除左谂起 小笼包外，还谂到d咩呢！?😂其实，系香港，要食平、靓、正 嘅上海野，去下连锁店都一样可以品尝到。今次就同大家介绍下“上海姥姥”，佢地力推“手打”面。老实讲，d面我就食唔出系唔系手打啦～ 但口感就的确好弹牙。而今日我介绍嘅二个面都好好食。第一个系 “红油牛肉面”，红油味好野味，系清淡中可以带出辣辣地嘅味，的确几好，至于d牛肉就......一般啦/一般挂～ 我地主力讲个面底，真系斋食个面都够滋味。第二个介绍就系清清地+易入口嘅“鸡汤面”，讲真d汤好易入口，淡得黎又有d滑，而d鸡就......唔好讲啦，重点!重点! 系d面和个汤。总结: 如果未试过，可以一家大细去试下，价钱就见人见志啦～ 平均1个人100蚊左右。
继续阅读
午餐过嚟呢度食， 入到去坐低座，啲位舒适，可能比较少人，入面装修比较自己。 咁我叫咗一个猪扒面，外表猪扒十分香脆， 面条软硬适中。 汤味道较淡，可以落一些调味。 六七十蚊一个午餐， 便不便宜见仁见智。
继续阅读