小食•棠 (已結業)

鳳凰村中的黃金小店 小食店座位不多，估計最多坐5-6人，有部大電視，見到裝潢自然就會入去懲罰一下 ， 所以叫外賣返屋企食。老闆是個年輕人，態度幾好，不過有陣幾濃既香煙味。。係有6款精選飯餐，我就揀左$35泰汁雞扒火腿飯：泰汁酸酸甜甜 ，雞扒切開數件，肉質滑口， 兩片完整火腿。我就幫老公就揀左$32 重量級餐蛋飯：有兩隻靚靚太陽蛋，仲可以啜蛋汁，個蛋邊煎得好香脆，另外有三大片餐肉，厚度適中，唔太油，同樣地煎得好香脆，配個甜豉油不錯。重點等得唔耐， 返到屋企仲係熱呼呼，仲出緊煙。。仲要包維他牌既飲品，價錢非常合理。支持小店下次試埋其他飯餐先。