茶涮涮 (已結業)

難得約到個大忙人朋友食餐飯，嚟食日式涮涮鍋，店面唔算好大，但環境算靜枱與枱之間有空間感，遇著黃昏時間仲見到窗外嘅日落天色，店長笑容滿面，態度非常親切，令我哋成餐飯都好chill我哋點咗犇盛合，呢款套餐除咗火鍋外，仲有刺身丶沙律、甜品，樣樣有啲，唔使諗咁多，慳返啲時間嚟傾計～ 湯底有四款，我哋就揀咗原粹豆乳豚骨湯肉有三款牛丶一款雞，個人最鍾意澳洲一級肉眼，油脂分佈平均，肉質軟滑嫩虎蝦丶帆立貝都係大碼版；而野菜盤亦都豐富，其中比較特別嘅有花生芽，幾鍾意佢有獨特嘅甘甜味，淥完都仲係爽脆質感幼身又夠滑嘅稻庭烏冬甜品係豆腐雪糕