影片
更多
2021-05-13
387 浏览
⭐️ 呢餐係：「搵返開呢個page嘅初衷（aka想避免唔記得中過伏，唔小心再食多次）」嘅一餐「下，又係荃灣嘅..」 係啦 冇錯今次又係介紹荃灣野食😂無論鐘唔鍾意食米線，相信大家都有聽過老闆娘雲南米線🍜 長期都好多人排隊，今次去到嘅時候，已經排到出街市門口🤯 以前食都唔會排到咁遠，所以一開始唔知隊尾係邊，好有禮貌咁問佢地啲員工，點知佢態度超級差好L嫌棄咁 🥲 Total等咗80分鐘先食到第一啖🥶🍜麻辣湯米線 + 1 餸 $47米線本身正常，但係湯底就麻麻地。淨係食到超級麻🤯 我都算係食得辣，同埋鍾意食麻辣嘅人，但係都真係麻得太過分啦掛... 同埋油份又唔夠重。唔好話掛湯，連食啖米線唔同啖湯一齊飲都會一啲味都冇.. 😞 雖然有少少肉碎，但係大部分都係肥肉，非常麻麻地☹️ 超級失望 🥺🍜麻酸辣湯米線 + 1 餸 $47米線都係同樣中規中矩。雖然酸辣都食到酸酸地，但都係麻到阿媽都唔認得😩 個麻味完全cum曬個湯底。感覺湯底一啲誠意都冇。呢個味道，根本熬都唔洗熬，連豬骨，雞嗰啲都唔洗，直接用清水加啲調味就整得出黎.. 😔 🐔雙拼：招牌酥炸雞球 + 反斗蝦膠豆卜 +$10雞球係真係抵讚嘅👍🏻 唔算厚粉
「下，又係荃灣嘅..」 係啦 冇錯今次又係介紹荃灣野食😂無論鐘唔鍾意食米線，相信大家都有聽過老闆娘雲南米線🍜 長期都好多人排隊，今次去到嘅時候，已經排到出街市門口🤯 以前食都唔會排到咁遠，所以一開始唔知隊尾係邊，好有禮貌咁問佢地啲員工，點知佢態度超級差好L嫌棄咁 🥲 Total等咗80分鐘先食到第一啖🥶
🍜麻辣湯米線 + 1 餸 $47
米線本身正常，但係湯底就麻麻地。淨係食到超級麻🤯 我都算係食得辣，同埋鍾意食麻辣嘅人，但係都真係麻得太過分啦掛... 同埋油份又唔夠重。唔好話掛湯，連食啖米線唔同啖湯一齊飲都會一啲味都冇.. 😞 雖然有少少肉碎，但係大部分都係肥肉，非常麻麻地☹️ 超級失望 🥺
🍜麻酸辣湯米線 + 1 餸 $47
米線都係同樣中規中矩。雖然酸辣都食到酸酸地，但都係麻到阿媽都唔認得😩 個麻味完全cum曬個湯底。感覺湯底一啲誠意都冇。呢個味道，根本熬都唔洗熬，連豬骨，雞嗰啲都唔洗，直接用清水加啲調味就整得出黎.. 😔
🐔雙拼：招牌酥炸雞球 + 反斗蝦膠豆卜 +$10
雞球係真係抵讚嘅👍🏻 唔算厚粉但都好脆，又juicy又滑🤤 蝦膠豆卜都唔錯，有蝦味，建議浸一浸落湯到先食會更加惹味！（但係強烈建議嗌少麻）唔知係咪雙拼關係，俾印象中好似細份咗好多🤔
🐟豆腐魚丸
味道普普通通。個人幾鍾意個口感😜 有鯪魚彈牙嘅口感，但係加咗豆腐之後又有少少淋咁。
環境質素：🌕🌗🌑🌑🌑
食物質素：🌕🌕🌑🌑🌑
CP值：🌕🌗🌑🌑🌑
回頭指數：🌕🌕🌑🌑🌑
個人唔係太識欣賞呢間。荃灣咁多好味嘅米線，點解會揀佢🤢 就算唯一雲貴川退步咗好多都贏佢9條街。其實都唔係第一次食，但係隔排就會想俾多次機會。點知次次食完都好後悔🥵 即使嘅炸雞球幾好味，我都真係唔想再曬呢啲錢啦.. 又唔係平，得隻碗大過人，明明份量又唔係多，排隊仲要等成個半鐘... 最緊要係要受啲員工氣🤥 幫親你仲要俾人咁樣對待，真係貼錢買難受😑 順帶一提，嗌咗罐雪碧同埋無糖可樂，一罐$6一罐$8，少少奇怪，定係不嬲都有一款貴啲 🤨
张贴
