老闆娘雲南米線

米線控朝聖，傳說中被米線耽誤嘅炸物店😂。搵咗一輪先搵到，位置幾隱蔽，我係平日下午五點開門嗰陣就到，未夠半個鐘舖頭已經坐滿，人氣真係唔講得笑。環境比想像中企理，冷氣夠，坐位唔算多但唔迫。叫咗蒙古湯大辣底米線，餸就揀咗雜菌腐皮卷同醬汁豬軟骨。炸腐皮卷睇落好多油，但神奇嘅係食落一啲都唔膩，外脆內香，層次感足，口感相當討好。豬軟骨唔係佢哋出名嘅餸，但都好出色，夠腍又入味，食落有驚喜。蒙古湯底風味獨特，有孜然嘅香味，湯底自帶肉碎同香蔥。因為湯底好濃郁同香辣，以為食完會好口渴，但結果竟然一啲都冇，呢樣好加分。總括嚟講，味道係滿足到期待值，如果唔需要排隊，一定會再食，但要排太耐嘅就未必會。…查看更多

成日想黎試，但覺得間鋪係街市入面會好污糟，點知今日去發覺原來入面空間好大好乾淨舒服，名物炸雞球有3大舊，米線份量都算多，腩肉份量好足，有差唔多6、7塊，而且有肥有瘦，食完好滿足，而且麻辣感仲停留到，但唔會食到好頸渴，下次會試埋蒙古湯底。…查看更多

星期五夜晚，排隊用咗10分鐘，等餐咗半個鐘，嗌咗四個餸全部係炸嘢嚟嘅，炸嘢上先，等米線上嚟之後炸嘢已經凍晒，唔淨只係我一個人等，應該有20個人左右等緊餐，都係用緊同樣嘅半個鐘時間去等，食咗第一啖味道怪怪地，冇望隔籬枱，聞一聞隔籬枱味道都係一樣咁怪，好似係科技與狠活溝出嚟嘅湯底，好失望，好難食，勁差㗎一頓米線，唔會再有下一次，呢間嘅服務態度超差，老闆娘米線可以改名叫你老闆米線，絕對唔會有下一次，中伏。我以為呢間米線冇芫荽，蔥，韭菜，芽菜係佢間米線嘅特色。原來問咗事宜，係咪呢間米線冇呢啲配料，原來唔係係賣晒，如果你賣晒你要講俾客人聽冇呢啲配料囉，你又唔出聲，又要照收錢，米線冇咗呢啲配料即係冇咗靈魂囉，一句講到尾結果係好難食嘅米線。…查看更多

名過於實，食物質素好普通，價錢貴，吾值等禁耐，職員態度麻麻，衛生環境欠佳，我當天叫外賣，叫左6碗要分湯，但居然每碗之間冇用紙皮隔開，整到個蓋融曬，漏曬d湯出嚟，no next time…查看更多

星期五收工由上環搭到荃灣，出閘一直行到香車街街市，到達老闆娘米線門口已經7點鐘排長龍，等咗半個鐘先入座，米線亦都等咗半個鐘，8點先食得。結果有啲失望，湯底太酸，配料明顯浸湯度煮得唔夠耐，一啲都唔入味🥲🥲🥲綠色有營酸辣米線$55+$8雀巢檸檬茶=$61貴過其他同類型嘅米線舖，但味道比唔上雲X川或者藍記，有啲可惜，因為期待咗好多年終於夾到時間過嚟食🥲以下呢個係我自己喺屋企煮嘅米線，材料非常簡單，主要係免治豬肉加酸菜加蕃茄，明顯入味好多🥲…查看更多

🥴😵‍💫😵最好17:45前到，就唔使大排長龍！⏰我哋約17:30到步就即刻有得入！環境都係一般熟食街市setting ，入到去就有舒服嘅冷氣❄️，但係出面排隊就真係冇冷氣，所以大家都要注意啲時間🕐🧾喺門口排隊嘅時候就要填定食啲乜嘢✍🏻🍹如果要飲嘢，喺門口就要拎埋🪑同埋大家預咗一定要搭枱！（除非你4個人）😋試咗以下2個湯底：1）麻酸辣湯米線（$55配一餸）🌶️BB辣（平時食開譚仔三小辣， BB辣就食得好舒服～試過基本上小辣都OK嘅）🍜湯底整體都係一如既往嘅好食，不過就略嫌酸味唔夠出，都唔係太夠鹹🧂不過麻味就好足夠！而且肉碎同酸菜都好足料！2）蒜香辣湯米線（$55配一餸）（蔥都係用匙羹分開嘅，照片係我已經撈左落去）🌶️ BB辣（平時食開譚仔三小辣， BB辣就食得好舒服～但試過基本上小辣都OK嘅）🍜喺其他地方真係搵唔到呢種湯底😍😍😍蒜蓉味真係勁香！🧄！3）炸雞球（配米線）🍗外皮炸得好脆，雞肉都算嫩滑，質素係中間偏上！🐓欣賞餐廳嘅炸物係會分開上，咁就唔會搞到淋晒！4）反斗蝦膠豆卜（配米線）🍤🍤🍤尼個係好食過炸雞球！就咁食會有啲乾，但浸埋落湯係啱啱好！😍🌟‼️一定要試尼個‼️🌟So far食過佢每款炸物都係熱辣辣脆卜卜，真係新鮮炸起！整體來講，愈好時間唔使大熱天時排隊會再去！正！…查看更多

💕老闆娘雲南米線💕呢間荃灣米線小店出色炸物可以配搭好多種類吾同嘅配料另外除咗米線仲可以選擇銀針粉湯底有好多種類選擇今次試咗個蒙古湯同埋麻酸辣湯蒙古湯係孜然粉味道較重 幾特別嘅一個湯底麻酸辣都做得幾出色 感覺上麻多過酸最主要係湯底冇乜油 但都夠味道米線軟硬度適中有咬口 起碼唔會係淋身個種招牌炸雞 香口嫩滑 熱辣辣味道唔錯蝦膠豆卜 依個好鬆化 好香好好食 必試野菌腐皮卷 夠特別 感覺上冇咁邪惡 好香口豆腐魚丸 呢個一般比較普通 可以忽略整體值得一試❤️#########################💙兩碗兩送米線 $140…查看更多

琴日就荃灣做完野, 咁就去左係荃灣香車街街市樓上的「老闆娘雲南米線」試下,見佢係網上既好評如潮, 於是走去試吓，點知真係失望到爆！店舖環境簡陋，但座位尚算寬敞。我哋叫咗兩碗米線：一碗係麻辣胡椒湯底（加左秘製豬腩肉、滷汁豬粉腸），另一碗麻酸辣湯底（加左反斗蝦膠豆卜、招牌酥炸雞球同雲醬豬軟骨）。講真，麻辣胡椒湯底麻到誇張，第一啖湯已經苦到皺晒眉，麻到個口好似打咗麻醉針咁，仲加埋胡椒，麻味勁到講句話都辛苦，極唔建議叫麻味既湯底！湯底唔得之餘無唸過米線係未熟，有骨！作為一間米線專門店點會咁離譜？真係失望。唯一覺得正常嘅係豬腩肉同豬粉腸。另一碗麻酸辣湯底都係麻到個嘴木晒，食完無晒感覺。炸雞球同蝦膠豆卜炸到好乾，乾硬而無汁，食落好普通。豬軟骨就正常無乜特別。兩碗米線$155。整體黎講湯底都係超重口味, 極不建議試麻味湯底同炸物既餸。另外米線有骨就真係希望出品部要留意同改善下, 今次體驗真係麻麻!…查看更多

-老闆娘米線除咗排隊難，其實都偏貴，而家要加$15先多個餸，每次去都係食餸多過食米線，雞球就必食的，一碟有三件、雞球炸的嫩滑酥脆，惹菌腐皮卷係我自己鍾意食，入面包滿切碎嘅杏鮑菇，浸落湯勁好食，只係米線太腍太多湯😕，豬腩肉同埋炸物以外都可以唔使叫，份量少之餘唔入味加唔抵食之前買過外賣米線都係超腍，如果麻辣同酸辣減唔到食邊一種嘅話，直接叫麻酸辣滿足哂兩樣，我覺得老闆娘嘅湯底煮得唔錯，麻辣係真係做到麻、酸辣都好足夠，比起坊間嘅米線嚟講偏辣，我相信荃灣有更好食嘅米線-▶︎米線麻酸辣小辣 | $69野菌腐皮卷、招牌酥炸雞球▶︎米線麻辣大辣 | $69招牌酥炸雞球、秘製豬腩肉-📌#sorriso_荃灣 #sorriso_荃灣區-👅【老闆娘雲南米線】📍荃灣曹公街8號香車街熟食中心3樓28-29號舖🕑星期一至二 17:00 - 22:00 星期三 全日休息 星期四至日 17:00 - 22:00-#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #荃灣美食…查看更多

知道老闆娘依間米線多人排隊，我預早佢開門之前30分鐘，已經企咗喺門口等，我確實係滿心期待，其實都好多朋友同我講，話佢麻麻哋..，叫我唔使特登去排。但我就不到黃河心不死，一定要親身試過我先會下定論。我嗌咗酸辣米線加腩肉，另外嗌咗幾款炸物。酸辣米線一到，循例飲啖湯先。咦？點解會咁嘅？點解得酸無辣嘅？成個湯底冇層次、好酸，但係唔辣；米線係幼身米線、唔掛湯；腩肉好似食日本拉麵嗰一隻，不過係鞋，我食咗兩啖就冇食。另外炸物係炸得好好嘅，不過啲嘢好淡、冇乜味。總結：好失望…查看更多

星期一下晝五點時間去到，唔使排隊， take完order可以入座，同朋友兩個分別嗌咗酸辣湯底同埋酸辣湯底，麻酸辣湯底比較好食，不過比較麻痹，唔食得麻嘅可能要叫小麻。餐廳炸物比較出色，分別嗌咗豆卜蝦膠，炸雞，魚肉腐皮，每一樣都好好食…查看更多

上年中第一次堂食，味道唔錯，所以好期待再去，今日食蒜香bb辣，銀針粉、鮮菇唔入味，豬軟骨、炸魚肉魚腐唔入味，湯還湯，餸還餸，成個湯好油！加左價，好貴，唔值這個價….好失望，唔會再去！…查看更多

🍜米線 🚹1-4人 🐻‍❄️#箍牙妹 💛——————營業時間：17:00-22:00⚠️ 星期三唔開⚠️ （最update營業時間最好睇返舖頭IG啦😬）——————非常出名嘅老闆娘米線，5:30pm已經坐滿人排緊隊😮最後🐻🐻‍❄️排咗45分鐘倒先入到，唔知野食好唔好味？😛💲一餸連湯底$54💲加餸每款$15🍜麻酸辣湯米線（BB辣）招牌酥炸雞球$54米線上枱熱辣辣，炸雞球咬開肉質鮮嫩，有醃過，但因為每塊都大塊，有啲位咬落會比較硬身～呢碗湯底揀咗麻酸辣，最搶係麻辣，越食越重，食到中間條脷👅已經麻痹咗😝酸辣相對俾麻辣搶咗風頭，但都有少少嘅～🐻‍❄️：呢個湯底幾過癮😆不過個人鍾意少啲麻多啲酸🤣🍜蒙古湯（BB辣）魚肉響鈴、鮮牛肉$69魚肉響鈴外皮脆，浸咗湯嘅魚肉會吸到少少湯嘅味👍🏽幾特別；鮮牛肉普通水準，正常發揮。蒙古湯底就麻麻哋🤔，唔太啱🐻🐻‍❄️口味🐻：米線嘅麵質幾彈牙👍🏽好食過平時食開嘅米線舖👍🏽⌛️等食就要俾啲耐心🤣因為米線係即叫即整，坐低差唔多20分鐘倒先由餸開始送上枱🤣～💁‍♂️服務💁🏽‍♀️幾好，門口嘅（🐻🐻‍❄️估係老闆娘）好nice，唔會因為多人排隊而燥底👍🏽結論：1️⃣ 預計排隊+等食物要大概⌛️1個鐘先有得食2️⃣ 暫時米線🍜係好食過同類舖頭💯；炸物好食、但未到只此一間嗰種；同埋價錢略貴，兩餸已經接近$70如果排隊唔使等咁耐，又咁啱入荃灣，🐻‍❄️係會encore嘅。但如果你特登入荃灣，仲要再排一個鐘去試呢？就未必值得啦～…查看更多

講起荃灣名物一定上榜既「老闆娘雲南米線」，我地都試過黎呢度闖關兩三次，不過都係大排長龍，直接原地放棄！今次見2月份，天氣仲涼涼地，條龍又未排到出樓梯，就試下啦！點知有點失望…要入名店，一定要由排隊開始… 由晚試7:30排隊，8點左右就放低點餐紙入坐。間房有6張枱，我地座第5張，全部張枱都冇野食🥸跟住見佢逐枱逐枱順序出餐。到8:37終於上左第一碟小食鯪魚球！無錯入坐後要等30分鐘先有野食！中間仲要因為搭枱而出錯餐…每碗一餸$54，加餸每款$14。1️⃣招牌酥炸雞球蒜香辣湯（小辣）超級蒜味，單就個湯而言個香濃既，不過米線黎講個人都係鍾意麻酸辣既湯多少少！講返個炸雞，係新鮮炸起，外皮脆同香口，但係裡面就係雞既原味啦⋯⋯。2️⃣酥炸鯪魚球酸辣湯（BB辣）都係即炸即上，有鯪魚味，不過炸得唔太脆，整理亦冇咩太多調味咁。酸辣湯亦較酸，但味道都比較清淡。可能因為我地叫BB辣？！🌟🌟🌟🌟🌟🌟🌟🌟🌟🌟🌟🌟📍 老闆娘雲南米線荃灣曹公街8號香車街熟食中心3樓28-29號鋪⏰營業時間：17:00-22:00星期三休息Rating：懶惰鼠😻😻 （+0.5）懶惰虎😻😻 （+0.5）可能係期望太大…貼士：❤️預左一定要排隊！入到去都要等半小時左右。💚炸物出名，但唔特別好食。（點餐時名物魚肉響鈴到已經賣晒）💛性價比低，雖然話係每碗煮。但米線黎講等待時間太長！價錢亦未見好平。炸雞黎講，去日式餐廳食唐揚雞都可能差不多？        …查看更多

落雨人龍少啲，同埋米線似即點即煮，落左單都起碼15分鐘先上到。麻酸辣湯 BB辣麻辣度一絕，吃兩口就感覺到麻麻的，酸菜的酸度也剛好。蒜香辣湯 BB辣勁厚紅油，蒜香味極濃，每條米線都掛上蒜泥，喜愛蒜不能錯過，米線也Q彈；由於紅油淨，湯底溫度勁熱，適合愛熱辣滾燙的我。蒙古湯有點像三哥的煳辣湯，湯底帶孜然味偏淡。魚肉響鈴沒什麼特別，魚肉跟腐皮的味道是分開的。野菌腐皮卷（必點）餡料除了野菌仲有芋頭。招牌酥炸雞球（必點）酥炸雞球調味超好吃，即炸即出。反斗蝦膠豆卜豆卜炸過後有臭豆腐的味道~…查看更多