一生懸麵

营业中

休息中

呢間都算係其中一間比較出名嘅黃店，今日2點半到喺旺角搵食咩，見佢冇乜人就入去試吓。叫咗碗濃香櫻花蝦沾麵，雖然湯上面有好多櫻花蝦，但係飲落一啲蝦味都冇，只係飲到豬骨同魚介嘅味道。而且湯底比較稀， 掛湯能力麻麻地，麵質亦都偏淋，同埋有浸奇怪嘅鹼水味。而糖心蛋亦都有少少過咗火位，有啲太熟，叉燒就正正常常啦。總括而言，只係一碗麻麻哋嘅沾麵，應該就唔會再返去食㗎。雖然係黃店，真心好想再去支持吓，但係平心而論，咁嘅質素真係支持唔落，旺角有好多質素高嘅良心黃店，下次嚟開呢頭，都係食喜惶算。