興記菜館

营业中

休息中

臘腸滑雞煲仔飯（$39）今日天氣多左少少秋意，就決定去廟街食個煲仔飯先。廟街既煲仔飯，司令食開四季既，但偶爾要去試下新野，就決定去食喺廟街開左好多檔，遊客最鍾意既興記先。司令今次叫左個臘腸滑雞飯，再配合煲仔飯既豉油，就好興奮喇。講下個飯先，份量唔算多，雞都係幾件，臘腸就得兩嚿好細嚿。配合埋適量既汁，飯就變到好香，而雞係幾好食，不過，司令最失望係條臘腸。臘腸對司令嚟講，係個飯既靈魂，但司令呢條臘腸就好鬼淋，好似霉霉地，咬落去唔實，感覺唔到係臘腸囉。雖然司令唔係煲仔飯專家，但司令就覺得39蚊，應該就唔係比啲咁既質素掛。