影片
更多
2018-10-02
198 浏览
睇戲前諗住填飽個肚,因為得嗰一個鐘唔夠,就去比較近戲院嘅呢間餐廳啦.唔算好肚餓,隨便叫咗個叉燒意粉配埋多士炒蛋.叉燒淡咗啲,只可以話係豬肉意粉.多士都幾厚下,可能唔少肚餓,望落覺得有少少滯,而且實在唔夠牛油,多士乾爭爭好惡哽.問侍應攞牛油.我以為應該同隔離枱一樣嘅盒裝牛油啦,點知佢可能喺廚房度整咗一舊牛油用個兜仔裝畀我.呢啲係咪煮餸既牛油嚟㗎,搽落麵包度好難融又唔滑,同盒裝牛油唔係同一樣野.蛋就整到好似日式蛋捲咁樣,但係裏面唔嫩滑既,蛋味一般啦,好有腐皮卷嘅感覺.另外仲叫咗肉醬意粉配香茅豬扒.Menu上面寫著Q版肉醬意粉,以為一啖食完,竟然冇我想像中咁細.豬扒就好似眼見咁樣又乾又鞋,醃肉味好勁,而且仲好乾有啲柴皮.色水明明好似好濃味,唔知點解咬落去感覺食唔出乜嘢特別味道.算啦趕睇戲,你俾乜我食乜,不過好難有下次.
唔算好肚餓,隨便叫咗個叉燒意粉配埋多士炒蛋.
叉燒淡咗啲,只可以話係豬肉意粉.多士都幾厚下,可能唔少肚餓,望落覺得有少少滯,而且實在唔夠牛油,多士乾爭爭好惡哽.問侍應攞牛油.我以為應該同隔離枱一樣嘅盒裝牛油啦,點知佢可能喺廚房度整咗一舊牛油用個兜仔裝畀我.呢啲係咪煮餸既牛油嚟㗎,搽落麵包度好難融又唔滑,同盒裝牛油唔係同一樣野.
蛋就整到好似日式蛋捲咁樣,但係裏面唔嫩滑既,蛋味一般啦,好有腐皮卷嘅感覺.
另外仲叫咗肉醬意粉配香茅豬扒.Menu上面寫著Q版肉醬意粉,以為一啖食完,竟然冇我想像中咁細.豬扒就好似眼見咁樣又乾又鞋,醃肉味好勁,而且仲好乾有啲柴皮.色水明明好似好濃味,唔知點解咬落去感覺食唔出乜嘢特別味道.
算啦趕睇戲,你俾乜我食乜,不過好難有下次.
张贴
