影片
更多
2021-03-12
1154 浏览
身為深水埗上班族，每日放飯首先就要諗向左走定向右走，今日就揀咗遊人比較少嘅左邊搵食，去到天悅附近原本想食嗰間餐廳冇開門，於是就周圍趟吓，結果就俾我搵咗呢間米線樂。呢間餐廳吸引我入去嘅原因，就係佢嘅招牌寫住麻辣豬骨濃湯。麻辣同豬骨濃湯我都幾鍾意，但又未試過將兩種味道合二為一，所以都好有興趣試吓究竟係咩味道。豬骨濃湯米線$27起，就算唔加任何配料，都已經有腐皮同芽菜，以今時今日嘅物價而言其實一啲都唔貴，仲有好多小食可供選擇。我就習慣會叫啲小食，揀咗麻辣墨魚頭，佢嘅墨魚頭爽滑彈牙，份量仲勁多，夾極都仲有😂，而且仲配搭咗青瓜，真係非常可口嘅涼拌小食。蒜泥白肉唔一定係「淡仔」嘅專利，其他米線店嘅蒜泥白肉都各有特色，首先呢個蒜泥白肉嘅份量比起平時見到嘅多好多，上面加咗青瓜絲同埋芫荽，呢個配搭食起上嚟更有層次感。主食方面，就揀咗涼拌涼皮($29)，本身已經配上芫荽、炸黃豆、青瓜絲同麻醬，我揀咗BB辣，辣度對我來講就啱啱好。店員建議配合蔬菜類拌涼皮會比較夾啲，所以我就揀咗萵筍($7)，另外就揀咗都唔算太濃味嘅魚片頭($9)。涼皮滑滑呈透明狀，冰涼嘅感覺可中和辣味，自選配菜以呢個價錢嚟講份量亦不少。另外
呢間餐廳吸引我入去嘅原因，就係佢嘅招牌寫住麻辣豬骨濃湯。麻辣同豬骨濃湯我都幾鍾意，但又未試過將兩種味道合二為一，所以都好有興趣試吓究竟係咩味道。豬骨濃湯米線$27起，就算唔加任何配料，都已經有腐皮同芽菜，以今時今日嘅物價而言其實一啲都唔貴，仲有好多小食可供選擇。
我就習慣會叫啲小食，揀咗麻辣墨魚頭，佢嘅墨魚頭爽滑彈牙，份量仲勁多，夾極都仲有😂，而且仲配搭咗青瓜，真係非常可口嘅涼拌小食。
麻辣墨魚頭
$38
34 浏览
0 赞好
0 留言
主食方面，就揀咗涼拌涼皮($29)，本身已經配上芫荽、炸黃豆、青瓜絲同麻醬，我揀咗BB辣，辣度對我來講就啱啱好。店員建議配合蔬菜類拌涼皮會比較夾啲，所以我就揀咗萵筍($7)，另外就揀咗都唔算太濃味嘅魚片頭($9)。涼皮滑滑呈透明狀，冰涼嘅感覺可中和辣味，自選配菜以呢個價錢嚟講份量亦不少。
招牌涼拌涼皮
$29
20 浏览
0 赞好
0 留言
麻辣豬骨濃湯米線
$29
17 浏览
2 赞好
0 留言
店員真係絕不吝嗇，好快就將一碗熱騰騰嘅米線送到嚟我面前，呢一餐真係抵上加抵！
食辣嘢當然要飲番杯凍飲，我哋就分別揀咗蜜桃烏龍茶同玫瑰洛神花茶，兩款都係佢哋自家製作，保證原汁原味。跟餐加配只需要$12 ，而且包裝係樽裝，飲唔晒仲可以帶走。
好開心又發掘到另一間好食嘅米線，以後想食米線嘅時候又可以多一個選擇。
张贴
