鼎王麻辣鍋 (The LOHAS) (已結業)

台灣有好多麻辣火鍋餐廳，唔知鼎王麻辣鍋係未你嘅心水呢？以前我哋去台灣旅行，一定要去食鼎王麻辣鍋先算去過台灣！雖然近期無得去旅行，但好彩喺香港都有過江龍分店，同樣無限添加鴨血，夠晒滿足。鴛鴦鍋鴛鴦鍋即係鼎王麻辣鍋同酸菜白肉鍋，無論辣度定酸度都可以自行選擇。鼎王麻辣鍋用咗唔少香料，所以麻香十足，而辣味持久！但湯底先將麻籽等香料隔走，所以食嘅時候夠晒方便。麻辣鍋內嘅鴨血同豆腐都係放題食到飽，鴨血大大塊，口感非常嫰滑；至於豆腐索晒麻辣嘅精華，辣得好過癮！至於酸菜白肉鍋內嘅酸菜都係任食，酸酸微微好醒胃。窩筍除咗鴨血同豆腐之外，萵筍亦係麻辣湯底嘅朋友。窩筍煮到軟腍腍，索晒辣汁，非常惹味。豬腩肉酸菜白肉鍋本身已有豬腩肉，我哋特登叫多份加入鍋內，豬肉切得夠薄，一層肥一層瘦，肉味濃郁。竹笙講到索湯，又點少得竹笙呢！竹笙索晒麻辣湯嘅精華，夠晒刺激！