姚姚酸菜魚 (希慎廣場)

营业中

休息中

姚姚酸菜魚係香港都開左幾間分店 今次我就黎到銅鑼灣分店 餐廳幾闊落 座位好舒適🤣 食物質素整體都好好 而且價錢合理 值得再黎食😚🍀麻辣香鍋我地揀左少鹽少油 再加左五款配菜 牛百葉爽口 大小適中 嫩牛肉細細片 吸左啲香辣味道好好食😋 豬耳脆口 份量好多 好抵食😆 寬薯粉條煙煙韌韌 口感吾錯 午餐肉炸得香脆 幾厚身😙🍀麻辣牛展麻辣汁少少辣好過癮 牛展有嚼勁 點埋啲辣汁一齊食好惹味🤤🍀麻辣皮蛋依個麻辣味道冇牛展個碟咁辣 但同樣好好食 作為開胃小食吾錯😉🍀姚姚脆奶熱辣辣嘅時候即刻要食 表面香脆可口 內面軟嫩又入味😍🍀鮮奶紅茶凍有港式奶茶嘅味道 加埋紅茶凍嘅咬口 又可以解下辣 幾正😝