鬼金棒

营业中

休息中

今次同同事來到成日經過既鬼金棒拉麵店。一直都好好奇呢間拉麵店好唔好食每次經過都覺得好神秘，今次走入內堂，好暗之餘，牆上仲掛住一排魔鬼面具，拎住狼牙棒的魔鬼，其實都幾可愛，令我諗起日本別府既地獄溫泉，加上一陣陣既鼓聲，剎有氣氛。我點了一碗增量叉燒辣麻拉麵小麻小辣同事點了配炒荳芽菜辣麻拉麵小麻小辣外加煎餃子第一啖，試下個湯頭果然名不虛傳，如期用濃郁去形容，「重口味」真係仲貼切，酥麻小辣，好強既蒜薑口感 拉麵粗幼適中，加上湯汁，唔會太油膩我既增量叉燒真係比較大舊，唔係我想像既圓形叉燒，反而似中式既腩肉，非常入味，一點都唔肥，唯一顯肥既地方係一層薄薄既皮，我倒覺得可以再肥小小，入口即溶既效果就會更加明顯。同事既炒荳芽菜拉麵，明顯勁多荳芽，佢話都好爽脆，食起上來，有肉有素，口感層次更加豐富，雖則味濃，但心理上好似比較健康餃子🥟唔意外，都無薄皮，帶小小湯汁，但同拉麵係絕配，食埋更加完美。