Ben哥米線 (已結業)

近排多咗嚟新蒲崗發現咗依間幾好味嘅米線！！應該而家都好多香港人鍾意食米線，平時大家最常去既米線店都係嗰幾間🤫但係今次呢一間我覺得大家係米線同嘅都應該去試吓😍我本身好鍾意食辣野同米線，所以見到有米線嘅地方都會想試吓，今次依間個麻辣藥膳湯底，大愛！推推推！！！♥️♥️♥️今次我係叫咗外賣嘅米線，佢係分湯嘅所以唔會索哂水唔好食！同埋我幾鍾意佢有得揀五穀米線感覺上冇咁肥健康啲！ 不過個味道其實同普通米線冇乜分別！同埋佢有得揀米線個份量！午市套餐係包三個餸，但飲品唔包！個麻辣藥膳湯底超濃味！好似食台式打邊爐咁！個湯底好入味，同埋個湯底都有少少藥材！如果本身鍾意食麻辣藥膳嘅！記得去試下啦！！🥰