影片
招牌菜
一直都好想试，但系都无机会经过，但系知道佢做多一排就会结业，就点都要抽时间去试试。下午茶时段，叫咗两𩠌加冻饮，51蚊，价钱合理，份量亦无减少，啱啱好，食完就会饱。第一次嚟，叫咗个药膳麻辣米线，中辣，饮一啖汤，唔会好辣，唔会呛喉，再试多一啖，药膳味开始好出，浓浓嘅杞子味、药材味，最神奇系夹埋麻辣一齐，竟然无问题，仲几好饮，喉咙都几舒服，值得一试。𩠌方面就叫糖水萝卜，完全无渣，入口清甜美味，大细都啱啱好。另外仲有麻辣腩肉，份量都多，薄薄哋，易咬易食，亦都好入味。希望迟吓会同区搬新舖，咁就可以试其他汤底同𩠌菜，推荐嘅小店。
继续阅读
ben哥就系返工度隔离，每天生意好火爆，平时无乜胃口就会去食，每次去必点酸辣米线，开胃好食！不过门口贴出通告，间店做完今个月就约满结业啦，真系好可惜，以后又少一个食饭地方，希望快d系附近重开啦！
继续阅读
之前有段时间经常去新蒲岗，基本上试哂新蒲岗所有米线店，各间米线店都有自己招牌特色。今日突然想食麻辣米线，就自然去返新蒲岗麻辣米线首选 — Ben哥米线度买外卖。麻辣汤米线 （配冬菇、肥牛、鸡肉）连热饮坊间好多麻辣汤只系普通汤底上加D辣油，变左无咩特别，只系辣。但 Ben哥米线 麻辣汤 本身系独立一个汤底，味道似台湾麻辣火锅D汤底咁。如果拣D吸汤配料，就真系好似一人台湾火锅咁，同埋份量都相当足够，米线亦有分开上。如果钟意食麻辣汤的人，十万个推荐黎Ben哥米线试一试。（其他汤底我都试过，最好味都系麻辣汤）另外，虽然外卖要加2蚊，但Whatsapp落单又会减返1蚊。以下系我的评分（满分为５分）：味道：5分环境：(外卖不评)服务：(外卖不评)价钱：5分推荐程度：5分Ben哥米线 网址: https://s.openrice.com/QrbS0gza400~uKZISBA 地址: 新蒲岗大有街3号万迪广场地下B舖 电话: 28878848
继续阅读
今早去买外卖早餐, 个外卖餐已整好, 但唔系时俾我, 而系攞埋个堂食餐比个堂食客先比我. 唔系第一次. 真系唔明白点解服务员次次都系要外卖客人等佢送埋个餐比堂食客先比外卖客??? 个个姐姐都系咁. 我有时间都坐响喥食啦. 就系因为赶时间先叫外卖. 如果系洗鬼去你家店食咩. 分量又越来越小, 根本唔够饱. 仲有, 唔系放响我企𠮶张枱, 而系隔离张枱, 要我自己去攞., 明明见到我都唔放响我张枱, 要改善一吓服务先得. 服务好懒.
继续阅读
系新蒲岗食早餐，周围都好多人，行到呢间Ben 哥米线冇乜人所以就入去😅叫左个沙嗲牛米，跟餐有个腿蛋同包，好似系有其他野拣，我就拣左火腿炒蛋同冻柠茶。一见到碗野就心谂呀姐系咪比错，咁少既🤯呢个系一摆低既卖相，我完全冇掂过架之后我谂系咪因为多汤，所以我就用餐具撩下，将佢地捞晒上泥睇下有几多啲米粉同要系劲碎，最后我要用匙羹食😅腿蛋同冻柠茶正常，唔多讲🙃🙃🙃(唔怪得冇人排队）
继续阅读