晚飯時間黎到，因為心多嘅緣故，所以嗌咗個雜錦麵，貪佢有好多款料都有，一個人可以試多啲野。要咗清湯，但係加咗辣汁，要粗麵底。時間已經比較晏啦，阿姐夾緊餸嘅時候，就話因為有啲餸賣晒，咁唔緊要啦，佢就換過其他嘢俾我。
選擇都比較多同埋有D都算新穎，一份雜錦麵大概有豬皮、魷魚、蘿蔔、牛腩，仲有個麻辣蓮藕等等嘅餸。味道就還可以啦，咁當然車仔麵都會有啲味精啦。成個麵加加埋埋都幾大碗，料多過麵，一個人做晚餐都差啲食唔晒。而家車仔麵其實都唔係好平，而且考慮到呢度係太古城，依碗已經要大概60蚊都OK嘅。如果住附近／路經嘅朋友都可以試一下，特登黎就唔使啦。
